Bobonaro, 21/10/2024, Prezidente Komisaun Ezekutiva BTL, E.P, Eng. Carlos Peloi dos Reis, Vise-Prezidente Komisaun Ezekutiva BTL, E.P, ba Asuntu Boa Governasaun no Frotalesimentu Institusional, Elizabeth Amaral, hala’o enkontru ho kordenadór BTL, E.P, Munisípiu Bobonaro ho ekipa, enkontru ne’e rasik realiza iha Edfifísiu BTL, E.P, Bobonaro.
Iha enkontru ne’e, Prezidente KE BTL, E.P, nia pedidu ba funsionáriu sira, atu kontinua mantein ho ispritu pozitivu, atu servi komunidade sira iha bobonaro, liga ba bee moos, tamba ne’e, hatudu nafatin badinas ho prestasaun di’ak, hodi lori bee ba populasaun sira, ne’ebé seidauk asesu bee.
“Hanesan imi hotu rona ona informasaun, ita governu liu hosi Konsellu Ministru Ezonera ona ha’u hosi kargu nu’udar Prezidente Konsellu Administrasaun BTL, E.P, hodi nomeia fali Atual Vise-Prezidente KE BTL, E.P, Sr. Gustavo da Cruz, hodi assume fali pasta hanesan Prezidente Konsellu Administrasaun, hahu iha loron 1 novembru 2024, maske ha’u iha liur maibé ba Timor-Leste nia di’ak, ita hotu kontinua servisu hamutuk, kontribui nafatin, hodi dezenvolve di’ak liu tan setór bee no saneamentu, ne’ebé asesivel ba ita nia povu”.
Ezekutivu ne’e fo mensajen ba ekipa destakadu iha Bobonaro katak, atu apoia servisu hotu-hotu no lao tuir orientasaun ba superior, wainhira Ezekutivu foun lidera fali instituisaun BTL, E.P ne’e rasik.
“Ha’u husu ba bo’ot sira, kontinua servisu di’ak bao in, ita bo’ot sira hare ne’e, lideransa maka troka malu, maibé instituisaun ne’e, la’o ba oin nafatin, hosi imi hotu nia kontribuisaun.
Iha fatin hanesan Kordenadór BTL, E.P, reprezenta funsionáriu sira, hato’o agradese ba Komisaun Ezekutivu BTL, E.P, durante tinan tolu nia laran, servisu hamutuk ho di’ak, maske hasoru dezafiu barak, maibé ho lideransa BTL, E.P, konsege la’o to’o iha momentu ida ne’e.
Fahe ba Sosial Media:
