Díli, 09/01/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P) Sr. Gustavo da Cruz, partisipa iha sesaun traballu distribuisaun pakote fiskál Orsamentu Jerál Estadu (OJE) Ministériu Obras Públikas (MOP) tinan 2025 nian, iha salaun enkontru MOP, Caicoli.
Iha sesaun ne’e, S.E Ministru Obras Públikas (MOP), Samuel Marçal, distribui pakote fiskál OJE tinan 2025 nian ba empreza públika, institutu públiku no diresaun sira ne’ebé tutela iha MOP.
Durante iha sesaun ne’e, S.E MOP husu ba parte hotu-hotu ne’ebé tutela iha MOP, atu servisu makaas, servisu ho responsabilidade no sentidu de Estadu, nune’e ezekusaun ba tinan ida ne’e, bele atinji di’ak liu tan.
Fahe ba Sosial Media:
