Manututo, 13/10/2022, Tékniku Operadór (T.O) Bee Timor-Leste, Empreza Públika (BTL, E.P) munisípiu Manututo hamoos ba bee matan Weklei ne’ebé intupidu. Bee matan ne’e, lokaliza iha aldeia Obrato, suku Sau, postu-administrativu Manututo Villa, munisípiu Manututo.
Koordenadór BTL, E.P munisípiu Manatuto informa, bee matan ne’ebé intupidu ne’e kauza hosi hali abut ne’ebé nakonu no taka metin bee matan ne’e, hodi perturba sirkulasaun bee, ba komunidade sira, durante semana ida.
Tuir informasaun iha katak durante semana ida ona komunidade sira asesu hela bee maibé presaun bee kiik, nune’e komunidade sira hato’o keixa ka infora ba BTL, E.P nune’e hodi organiza tékniku sira tun ba terrenu hodi normaliza intupidu refere.
Hafoin ekipa halo normalizasaun ba bee matan ne’e, presaun bee hahú boot no laiha tan perturbasaun iha distribuisaun bee ba konsumidór sira, iha suku ne’e.
Fahe ba Sosial Media:
