Díli, 08/03/2023, Estrutura BTL, E.P hamutuk ho funsionáriu sira, hato’o Parabens no Ksolok Loron Mundiál Feto nian, ne’ebé monu iha loron 08 fulan Marsu
Komemorasaun ba Loron Mundiál Feto nian ne’e, hanesan oportunu esensiál ida, hodi fó hanoin ba ema hotu-hotu, oinsá bele respeita, kuida no nafatin luta ba igualdade jéneru halakon diskriminasaun ho forma oin-oin hasoru feto no labarik feto iha Timor-Leste, liu-liu ba feto maluk no labarik feto sira ne’ebé ho kondisaun hanesan ema ho difisiénsia, promove fatin públiku ne’ebé asesível ba sira, seguru no inkluzivu.
Iha loron feto internasional ida ne'e, BTL, E.P refleta tema "EmbraceEquity" (HakoakEquidade), katak rekuñese no selebra atinjimentu hosi funsionária sira. Ho nune’e, oportunidade atu selebra atinjimentu sira, presiza hasa'e konsiénsia kona-bá igualdade feto nian, iha área hotu-hotu.
Alende ne’e, iha loron espesial ida ne'e mos, BTL, E.P hakarak kongratula nia funsionária sira ne'ebé diretamente involve-aan iha servisu fíziku sira iha terrenu, liu-liu iha área operasionál no manutensaun nian nomos parte kooperativa.
Relasiona ho komemorasaun Loron Mundiál Feto nian ne’e, BTL, E.P mos hola parte no halo kontribusaun iha atividade Asaun Karidade ba Orfanatu Rua iha Munisípiu Liquiça no workshop ne’ebé organiza hosi Ministériu Obras Públika (MOP).
Fahe ba Sosial Media:
