Díli, 11/11/2022, Diretór Operasaun no Manutensaun BTL, E.P, Akompaña Jestór Interinu DAK, parte legál, tékniku BTL, E.P, no hamutuk ho parseiru JICA, hala’o diseminasaun informasaun ba komunidade sira, husi Aldeia Ramelau, atividade ne’e rasik realiza iha salaun Delta nova.
Atividade ne’e importante tebes, tamba liu husi diseminasaun ne’e, ekipa BTL, E.P partilla informasaun ruma, kona-bá lei ka regras hirak, ne’ebé dadaun ne’e, BTL, E.P implementa hela, hodi bele fó koñesimentu ba konsumidór sira, nune’e labele viola aktu ruma.
Objetivu husi atividade ne’e mos hala’o tamba dadaun ne’e, BTL, E.P servisu hamutuk ho parseiru JICA, ne’ebé sei mellora sistema bee moos iha Aldeia Ramelao, tamba konsidera konsumidór sira iha área refere, kontribui liu husi selu tarifa bee moos.
Tamba ne’e intensaun BTL, E.P, hadi’a sistema iha fatin refere, sai hanesan projetu pilotu ida, hodi mellora sistema ne’e, atu bele distribui bee ba konsumidór sira ho oras rua nulu resin haat ( 24 oras ).
Iha biban ne’e, partisipante sira sujere ba ekipa BTL, E.P, bele halo jestaun, ne’ebé di’ak, nune’e komunidade hotu-hotu bele asesu ba bee moos, tamba bee hanesan nesesidade primaria ba ema nia moris.
Ho atividade diseminasaun ne’e, ekipa BTL, E.P mos informa komunidade sira, ne’ebé sei halo ligasaun ilegál, tempu besik tékniku BTL, E.P, sei tun ba terrenu hodi dezliga, hafoin ne’e komunidade ida-idak ba registu tiha iha BTL, E.P, mak tékniku bele ba hikas komunidade sira nia rezidénsia, hodi halo ligasaun bee moos foun.
Fahe ba Sosial Media:
