Díli, 24/03/2023, Ekipa Departamentu MoI, hosi Diresaun Enjeñaria no Investimentu (DEI) Bee Timor-Leste, Empreza Públika (BTL, E.P) hamutuk ho tékniku hosi Ajénsia Dezenvolvimentu Nasionál, Institutu Públiku (ADN, I.P) akompaña tékniku kompañia nian ne’ebé hala’o hela servisu konstroi (cor) moru protesaun (retainig wall) iha Bemos, área Kasnafar. Maibé molok atu cor retainig wall ne’e, tékniku/enjeñeiru hosi MoI BTL, E.P no ADN, I.P hala’o uluk slump test.
Ekipa konjunta akompaña obra fíziku iha terrenu ne’e, ho ojetivu hodi garante kualidade projetu ne’e rasik, nune’e wainhira finaliza bele dura to’o tempu naruk.
Durante observasaun iha terrenu, ekipa MoI relata projetu fíziku kona-bá retaining wall daudaun ne’e, atinji ona pursentu 23.74 (23.74%).
Konstrusaun ba moru protesaun ne’e, atu proteje kanu transmisaun ne’ebé daudaun ne’e iha risku, tanba liña transmisaun ne’e iha mota ou instala besik mota, nune’e wainhira udan no mota boot sei fó risku ba kanu refere, tanba ne’e ho konstrusaun moru protesaun ne’e, hodi evita estragus boot/sériu iha futuru.
Enkuantu kanu transmisaun refere mak fornese bee ba rezervatóriu iha WTP Central no Manleu nian, hodi distribui fila-fali ba komunidade sira ne’ebé durante ne’e asesu bee hosi WTP rua ne’e.
Projetu Díli Water System Emergency Repair, Bemos section 3 ne’e, nia kustu mai hosi Fundus Infraestrutura (FI) ho montante $ 304,101.74. Projetu refere pakote ida, ne’ebé kompostu hosi servisu Reaining Wall, Riverbed, Gabion, Sosa no Monta Poly Pipe nomos Valves, Fittings & Tieins.
Projetu Díli Water System Emergency Repair, Bemos section 3 ne’e, implementa hosi kompañia Rainance Unipessoal Lda ho durasaun tempu fulan neen.
Fahe ba Sosial Media:
