Viqueque, 04/10/2024, Prezidente Komisaun Ezekutiva BTL, E.P, Eng. Carlos Peloi dos Reis, Vise-Prezidente Komisaun Ezekutiva BTL, E.P, ba Asuntu Boa Governasaun no Fortalesimentu Institusional, Elizabeth Amaral, partisipa serimónia lansamentu projetu reabilitasaun estrada hosi Postu Administrativu Uatulari, Munisípiu Viqueque liga ba Laisorulai, Postu Administrativu Quelicai, Munisípiu Baucau.
Projetu reabilitasaun estrada ne’e, lansa direita hosi S.E Ministru Obras Públikas, Samuel Marçal, Deputadu, Direjente MOP, KE BTL, E.P, Reprezentante Embaxadór China iha Timor-Leste, Prezidente Autoridade Munisípiu Viqueque, Reprezentante Prezidente Autoridade Munisípiu Baucau, PNTL, F-FDTL, hamutuk Lider Komunitáriu no komunidade sira, lansa projetu ida ne’e, atu fasilita populasaun sira, bele lori produtu lokál ba asesu iha merkadu.
Iha intervensaun ne’e, S.E Ministru Obras Públikas, husu ba komunidade sira, atu kontribui no kolabora ho governu no kompañia implementadór, hodi bele aselera prosesu projetu reabilitasaun estrada ida ne’e bele finaliza la’o tuir nia tempu.
Orsamentu finansia ba obra ida ne’e, hamutuk dollar amerikanu $ 18,462,610.14, ne’ebé sei kobre distánsia hamutuk 22 kilometru no durasaun tempu fulan 18.
Fahe ba Sosial Media:
