๐๐ขฬ๐ฅ๐ข, ๐๐ ๐๐๐ง๐๐ข๐ซ๐ฎ ๐๐๐๐. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith hamutuk ho Jestór SOM no akompaña hosi Enjeñeiru DEI no SOM, monitoriza projetu melloramentu Estasaun Tratamentu Bee Fo’er (ETAR, sigla portugés), iha Tibar, Munisípiu Liquiça.
Atividade monitorizasaun ne’e, hodi observa direta projetu fíziku iha terrenu, liu-liu tanke filtrasaun ne’ebé konstroi, iha ETAR Tibar.
Bazeia ba rezultadu monitorizasaun antes ne’e no ohin nian, hatudu obra refere, la tuir espesifikasaun téknika nian, nune’e hodi implika ba kualidade obra nomos sei la garante, atu utiliza ba tempu naruk.
Relasiona kestaun ne’e, mak ohin, Vise-Prezidente KE BTL, E.P ba Asuntu Tékniku ho Enjeñeiru sira, hasoru no ko’alia ona ho Diretór kompañia iha terrenu, hodi husu ba kompañia konstrutór, atu hadi’a fila-fali tanke filtrasaun ne’e, bazeia rekomendasaun téknika hosi BTL, E.P., atu nune'e wainhira obra ne'e finaliza bele utiliza ba longu prazu.
Durante vizita iha ETAR Tibar, Ezekutivu BTL, E.P enkoraja no husu ba tékniku operadór sira ne’ebé destakadu iha ETAR Tibar, atu halo servisu ho kuidadu, tanba fatin ne’e risku ba saúde. Tanba ne’e, tenke tau importánsia ba seguransa pesoál, liuhosi uza PPE durante hala’o servisu iha terrenu, atu nune’e labele fó impaktu ba sira-nia saúde.
Fahe ba Sosial Media:
