𝐃𝐢́𝐥𝐢, 𝐒𝐞𝐱𝐭𝐚-𝐟𝐞𝐢𝐫𝐚, 𝟏𝟑 𝐍𝐨𝐯𝐞𝐦𝐛𝐫𝐮 𝟐𝟎𝟐𝟔
Prezidente Komisaun Ezekutiva (KE) BTL, E.P, Gustavo da Cruz, akompaña hosi Diretór DEI, João da Cruz Cardoso, partisipa iha kontinuasaun ba negosiasaun empréstimu entre Governu Timor-Leste (TL) ho Grupu Banku Mundiál (𝑊𝑜𝑟𝑙𝑑 𝐵𝑎𝑛𝑘 𝐺𝑟𝑜𝑢𝑝-𝑊𝐵𝐺), ne’ebé realiza iha sala reuniaun Ministériu Finansas (MF), Aitarak-Laran, Díli.
Negosiasaun ne’e, lidera hosi Ministériu Finansas (MF), hafoin Konsellu Ministrus (KM) delibera hodi autoriza MF reprezenta Governu TL, hodi halo negosiasaun ho Grupu Banku Mundiál, relativamente ho fundu empréstimu ne’ebé atu finansia ba projetu melloramentu sistema fornesimentu bee moos iha Kapitál Munisípiu Baucau.
Diskusaun loron ohin nian, hodi haree no deskute fila-fali kona-bá kláuzula balun ne’ebé adia ou 𝑝𝑜𝑠𝑡𝑝𝑜𝑛𝑒 hela, iha negosiasaun antes ne’e nian, tanba presiza iha klarifikasaun téknika hosi parte Timor-Leste nian, liu-liu hosi PMU 𝑊𝑎𝑡𝑒𝑟 𝑎𝑛𝑑 𝑆𝑎𝑛𝑖𝑡𝑎𝑡𝑖𝑜𝑛 (𝑊𝑎𝑡𝑆𝑎𝑛).
Negosiasaun ne’e, partisipa hosi 𝑊𝑜𝑟𝑙𝑑 𝐵𝑎𝑛𝑘 𝐺𝑟𝑜𝑢𝑝 𝑅𝑒𝑠𝑖𝑑𝑒𝑛𝑡 𝑅𝑒𝑝𝑟𝑒𝑠𝑒𝑛𝑡𝑎𝑡𝑖𝑣𝑒 iha TL, David Freedman, Legál no Diretór-Jerál ho tékniku hosi MF, BTL, E.P, PMU 𝑊𝑎𝑡𝑆𝑎𝑛 Ministériu Obras Públikas (MOP), inklui WBG seluk seluk iha diáspora via vídeo konferénsia.
Fahe ba Sosial Media: