Díli, 29/10/2024. Prezidente Konsellu Administrasaun (KA) no Komisaun Ezekutiva (KE) Bee Timor-Leste Empreza Públika (BTL, E.P), Sr. Gustavo da Cruz, prenxe iha segimentu 7 minutus, iha RTTL, E.P, Caicoli.
Iha segimentu 7 Minutus ne’e, hodi ko’alia kona-bá planu prioridade sira, ne’ebé atu implementa iha futuru, hodi serví povu liuhosi setór bee no saneamentu, hafoin simu simu posse nudár Prezidente KA & KE BTL, E.P nian, durante mandatu ba tinan haat.
“𝐻𝑎’𝑢 ℎ𝑎𝑛𝑜𝑖𝑛, ℎ𝑎𝑛𝑒𝑠𝑎𝑛 𝑖𝑡𝑎 𝑑𝑒ℎ𝑎𝑛 𝑘𝑎𝑡𝑎𝑘 𝑛𝑒’𝑒 𝑟𝑒𝑠𝑝𝑜𝑛𝑠𝑎𝑏𝑖𝑙𝑖𝑑𝑎𝑑𝑒 𝑏𝑜𝑜𝑡 𝑖𝑑𝑎 𝑛𝑒’𝑒𝑏𝑒́ 𝑚𝑎𝑘 𝐼𝑋 𝐺𝑜𝑣𝑒𝑟𝑛𝑢 𝐾𝑜𝑛𝑠𝑡𝑖𝑡𝑢𝑠𝑖𝑜𝑛𝑎́𝑙 𝑑𝑒𝑝𝑜𝑧𝑖𝑡𝑎 𝑚𝑎𝑖 ℎ𝑎’𝑢, ℎ𝑜𝑑𝑖 𝑎𝑠𝑒𝑠𝑔𝑢𝑟𝑎 𝑝𝑜𝑙𝑖́𝑡𝑖𝑘𝑎 𝐼𝑋 𝐺𝑜𝑣𝑒𝑟𝑛𝑢 𝑛𝑖𝑎𝑛 𝑏𝑎 𝑝𝑒𝑟𝑖́𝑜𝑑𝑢 𝑡𝑖𝑛𝑎𝑛. 𝑃𝑟𝑖𝑜𝑟𝑖𝑑𝑎𝑑𝑒 𝑛𝑒’𝑒𝑏𝑒́ 𝑚𝑎𝑘 𝑖𝑡𝑎 𝑠𝑒𝑖 ℎ𝑎𝑙𝑜, 𝑚𝑎𝑘 𝑠𝑒𝑖 𝑎𝑗𝑢𝑠𝑡𝑎 𝑝𝑙𝑎𝑛𝑢 𝑛𝑜 𝑜𝑟𝑠𝑎𝑚𝑒𝑛𝑡𝑢 𝑠𝑖𝑟𝑎 𝑡𝑢𝑖𝑟 𝑝𝑟𝑜𝑔𝑟𝑎𝑚𝑎 𝐼𝑋 𝐺𝑜𝑣𝑒𝑟𝑛𝑢 𝑛𝑖𝑎𝑛, 𝑠𝑒𝑔𝑢𝑛𝑑𝑢 ℎ𝑎𝑓𝑜𝑟𝑠𝑎 𝑖𝑛𝑠𝑡𝑖𝑡𝑢𝑖𝑠𝑎𝑢𝑛 𝑖ℎ𝑎 𝑝𝑎𝑟𝑡𝑒 𝑟𝑒𝑘𝑢𝑟𝑠𝑢 𝑢𝑚𝑎𝑛𝑢, 𝑟𝑒𝑜𝑟𝑔𝑎𝑛𝑖𝑧𝑎 𝑓𝑎𝑙𝑖 𝑟𝑒𝑘𝑢𝑟𝑠𝑢 𝑢𝑚𝑎𝑛𝑢 𝑛𝑜 𝑠𝑖𝑚𝑝𝑙𝑖𝑓𝑖𝑘𝑎 𝑝𝑟𝑜𝑠𝑒𝑑𝑖𝑚𝑒𝑛𝑡𝑢 𝑎𝑑𝑚𝑖𝑛𝑖𝑠𝑡𝑟𝑎𝑡𝑖𝑣𝑎 𝑠𝑖𝑟𝑎 𝑏𝑎 𝑎𝑡𝑒𝑛𝑑𝑖𝑚𝑒𝑛𝑡𝑢 𝑝𝑢́𝑏𝑙𝑖𝑘𝑢 𝑛𝑜𝑚𝑜𝑠 𝑘𝑜𝑛𝑡𝑖𝑛𝑢𝑎 ℎ𝑎𝑙𝑜 𝑖𝑛𝑣𝑒𝑠𝑡𝑖𝑚𝑒𝑛𝑡𝑢 𝑖ℎ𝑎 𝑘𝑎𝑝𝑖𝑡𝑎́𝑙 𝑝𝑜𝑠𝑡𝑢 𝑛𝑜 𝑘𝑎𝑝𝑖𝑡𝑎́𝑙 𝑚𝑢𝑛𝑖𝑠𝑖́𝑝𝑖𝑢, 𝑡𝑎𝑛𝑡𝑢 𝑏𝑒𝑒 𝑛𝑜𝑚𝑜𝑠 𝑠𝑎𝑛𝑒𝑎𝑚𝑒𝑛𝑡𝑢”.
Prezidente KA & KE BTL, E.P rekoñese, durante ne’e populasaun barak mak sei nafatin halerik ba bee moos, tantu iha kapitál Díli no munisípiu sira. kauza hosi demanda ne’ebé aumenta kada tinan, maibe rekursu bee nafatin, ho nune’e, atu responde ba problema refere presiza investe barak iha setór ida ne’e.
Alen de ne'e, iha populasaun sira ne’ebé fura rasik bee, tanba sira seidauk asesu kanalizasaun bee públiku nian, maibé atu kontrola aktu sira ne’e, parte diresaun reguladora ida (DNRAS) ne’ebé nia knaar hodi kontrola ba kestaun ne’e. tanba BTL, E.P hanesan empreza públika ida ne’ebé hodi implementa polítika Governu nian ba distribuisaun bee ba públiku. Maibé wainhira sistema sira organizadu ona mak obrigatoriamente komunidade sira tenke halo ligasaun ba sira-nia uma liuhosi kanalizasaun ne’ebé mak iha no hapara perfurasaun privadu sira.
Ezekutivu ne'e sita mos fatór balun ne’ebé sai sasatan, hodi implika ba problema bee moos, mak utilizasaun sistema ezistente ou sistema tuan sira, ne’ebé mai hosi períodu tolu hanesan tempu Portugés, Indonézia no ukun-aan nian nomos alokasaun orsamentu ba setór ida ne’e.
Maibé hafoin reforma DGAS ba BTL, E.P, iha mudansa signifikatyivu iha aspetu balun, hanesan jestaun ba rekursu umanu, operasionál, investimentu bee moos iha kapitál postu-administrativu sira númeru kliente ne'ebe rejistadu aumenta kompara ho antes ne'e inklui kaptasaun reseitas. Tanba antes ne’e, iha DGAS nia tempu, rekolla reseita iha kapitál Díli de’it, maibé hafoin iha BTL, E.P nia tempu, arrekada mos reseitas hosi munisípiu sira hotu, eseptu RAEOA, tanba zona espesiál, nune’e BTL, E.P la halo intervensaun iha RAEOA.
Ikus liu, Prezidente KA & KE BTL, E.P husu ba públiku, liu-liu ba komunidade no lideransa komunitária sira atu koopera ho BTL, E.P, wainhira ekipa BTL, E.P tun ba halo servisu melloramentu sistema bee, iha bairu, aldeia no suku sira, hodi desliga koneksaun ilegál sira, atu hot-hotu bele hetan bee moos, maske oitoan, tanba ne’e, husu atu kolabora ou servisu hamutuk, atu nune’e bele fó atendimentu di’ak ba komunidade.
Share on Social Media:
