𝐃𝐢́𝐥𝐢, 𝐓𝐞𝐫𝐬𝐚-𝐟𝐞𝐢𝐫𝐚 𝟎𝟗 𝐉𝐮𝐧̃𝐮 𝟐𝟎𝟐𝟔.
Vise-Prezidente Komisaun Ezekutiva (KE) BTL, E.P ba Asuntu Tékniku, José Filipe Ximenes Smith ho Diretór DEI akompaña hosi Jestór Infraestrutura no Enjeñeiru DEI hamutuk ho Enjeñeiru MOP halo koordenasaun ho abitante afetada iha área Becora Auhun, atu nune'e bele aselera demolisaun ba loja ne’ebé afeta hosi projetu alargamentu estrada diresaun Culuhun bá Becora.
Durante aproximasaun iha terrenu, BTL, E.P no MOP husu ba abitante ou loja nain ne’e, atu sobu lalais fatin ou loja refere, nune’e hodi fó biban ba kompañia atu bele instala kanu kanalizasaun bee iha área referida.
Iha biban ne’e, ekipa konjunta akompañadu hosi loja na’in, haree direta badaen sira ne’ebé hahú sobu loja ne’ebé afeta hosi obra alargamentu estrada. Abitante ou loja nain ne’e, koopera no promete sei aselera servisu demolisaun ne'e.
Hafoin konklui iha Becora Auhun, Ezekutivu BTL, E.P ho ekipa kontinua observa kompañia implementadór ba projetu melloramentu sistema fornesimentu bee moos iha suku Camea. Tuir observasaun iha terrenu, ohin, tékniku kompañia nian hahú ko’a aspal diresaun ba aldeia Lases, suku Camea nian, nune'e bele kontinua ba instalasaun liña distribuisaun nomos sei halo ligasaun bee no montajen metru kontadór ba uma kain sira.
Alen de ne’e, Diretór DEI ho Jestór inklui Enjeñeiru DEI kontinua monitoriza projetu instalasaun kanu kanalizasaun prinsipál, iha suku Camea.
Durante monitorizasaun iha terrenu, parte BTL, E.P husu ba kompañia implementadór atu aselera servisu instalasaun kanu, maibé tenke garante kualidade obra, nune’e bele utiliza ba tempu naruk.
Share on Social Media:
