Díli, 27/10/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Sr. Gustavo da Cruz enkontru ho Reprezentante Rezidente Grupu Banku Mundiál nian iha Timor-Leste (TL), Sr. David Freedman ho ekipa, iha sala reuniaun Ezekutivu, BTL, E.P, Caicoli.
Reuniaun ne’e, hodi halo konsultasaun kona-bá programa ida hosi Grupu Banku Mundiál nian, atu apoia iha setór bee, liu-liu projetu bee nomos tecnichal assistant ne’ebé nia finsiamentu hosi grant, iha posibilidade atu implementa iha peri-urbanu no área rurál sira. Tanba ne’e, ohin sira mai atu buka hatene Prosedimentu no enkuadramentu legál sira, hanesan padraun tékniku no sosiál nian, atu nune’e bele guia sira hodi halo investimentu ba setór ida ne’e.
Ezekutivu BTL, E.P esplika, iha ona padraun tékniku ba bee rurál nian nomos Community Action Plan ou Planu Asaun Komunidade-PAK no liuhosi PAK 1 nomos 2 hodi forma Grupu Maneja Fasilida-GMF ne’ebé durante ne’e halo jestaun ba sistema bee rurál sira.
Prezidente KE BTL, E.P akresenta Guide line ou enkuadramentu legál sira ne’e estabelese ona, wainhira atu halo investimentu sira, uza enkuadramentu legál ne’ebé mak iha, hodi implementa projetu, nune’e bele aliña ho Governu ninia padraun sira, atu labele komplika implementasaun projetu sira iha área rurál.
Daudaun ne’e, ekipa refere apoiu hela iha Ministériu Saúde no sira hakarak atu abranje sira-nia apoia mai iha setór bee no sira konfirma fatin atu implementa sira-nia programa ne’e, ho nune’e, ohin, Prezidente KE BTL, E.P rekomenda no solisita ba sira atu bele fó apoiu iha Ataúro.
Hafoin rona tiha informasaun sira hosi BTL, E.P, ekipa hosi parseiru Grupu Banku Mundiál nian kontente tebes no sira anota rekomendasaun sira, nune’e iha tempu tuir mai, sira sei bá Ataúro hodi observa direta rekursu ou potensialidade sira iha fatin ne’e
Share on Social Media:
