𝐋𝐚𝐥𝐞𝐢𝐚, 𝐊𝐮𝐢𝐧𝐭𝐚-𝐟𝐞𝐢𝐫𝐚 𝟐𝟑 𝐉𝐮𝐥𝐥𝐮 𝟐𝟎𝟐𝟔.
Prezidente Komisaun Ezekutiva (KE) BTL, E.P, Gustavo da Cruz, akompaña hosi Koordenadór BTL, E.P Munisípiu Manatuto, partisipa iha seremónia lansamentu ba Konstrusaun no Instalasaun Solár PV no Battery Energy Storages System (BESS) inklui Fasilidade Sistema SCADA nomos Interkoneksaun ba iha Rede Transmisaun 150KV, ne’ebé lokaliza iha aldeia Uma Rentau, suku Lifau, Postu-administrativu Laleia, Munisípiu Manatuto.
Konstrusaun no Instalasaun Solar PV no BESS inklui Fasilidade Sistema SCADA nomos Interkoneksaun ba iha Rede Transmisaun 150KV ne’e, ofisialmente lansa direta hosi S.E Prezidente Repúblika (PR), José Ramos-Horta ho S.E Primeiru-Ministru (PM), Kay Rala Xanana Gusmão no akompañadu hosi Xefe Estadu Maiór Forsa Armada (XEMFA), Tenente Jenerál Domingos Raul Falur Rate Laek, Reprezentante Komandu Jerál PNTL, membru Governu no membru Parlamentu Nasionál, Korpu Diplomátiku, PAM Manatuto, APA Laleia, entidade relevante sira.
Importánsia ba realizasasun projetu Konstrusaun no Instalasaun Solar PV no BESS inklui Fasilidade Sistema SCADA nomos Interkoneksaun ba iha Rede Transmisaun 150KV ne’e, hodi responde ba planu estratéjiku tinan 2011-2030 no bele halo poupansa ba orsamentu kada tinan inklui bele hetan reseitas ne'ebé di'ak. No Projetu ne'e, sei fó benefísiu ba komunidade iha TL nomos hodi apoia investimentu sira ne'ebé sei implementa iha Timor-Leste. Durasaun tempu ba implementasaun projetu ne'e, durante fulan 18 to'o 24 ka tinan rua.
Partisipa iha seremónia lansamentu ne'e, membru Governu no membru Parlamentu Nasionál, Korpu Diplomátiku, Autoridade Lokál, Prezidente sira hosi Ajénsia Autónoma no Kargu Xefia hosi MOP nian inklui funsionáriu EDTL, E.P no MOP nomos komunidade PA Laleia.
Share on Social Media:
