Díli, 19/09/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P), hala’o enkontru ho Espesialista WASH foun, Sra. Yume Yorita no Koordenadór Bee no Saneamentu hosi Unicef iha Timor-Leste, iha Prezidente nia knaar fatin, BTL, E.P, Caicoli.
Reuniaun ne’e, Espesialista WASH foun hosi Unicef nian, mai kumprimenta no aprezenta nia-aan ba Ezekutivu BTL, E.P, tanba BTL, E.P nudár parseiru Unicef nian.
Iha enkontru ne’e, parte rua (BTL, E.P & Unicef) ko’alia kona-bá progresu ezekusaun ba apoia tanke rezervatóriu sira ne’ebé oferese hosi Governu China mai Timor-Leste liu-liu iha setór Bee no Saneamentu, liuhosi kooperasaun servisu entre BTL, E.P ho parseiru Unicef.
Ezekutivu BTL, E.P informa katak, apoia tanke rezervatóriu sira mai iha BTL, E.P oras ne’e, iha hela faze implementasaun. Prezidente KE BTL, E.P destake mos progresu servisu hirak ne’ebé BTL, E.P halo ona no servisu balun ne’ebé implementa hela iha kapitál Postu-administrativu sira, Hafoin rona tiha informasaun ne’e, parte Unicef apresia tebes no hato’o sira-nia prontidaun atu nafatin servisu hamutuk ho BTL, E.P ba futuru.
Iha biban ne’e, Espesialista WASH hosi Unicef pronunsia mos, apoiu balun iha futuru, liga ba prosesu sosa kareta tanke bee moos nian mai BTL, E.P, atu bele reforsa tan kareta tanke sira seluk, hodi fó atendimentu ba públiku.
Share on Social Media:
