𝐃𝐢́𝐥𝐢, 𝟏𝟐 𝐀𝐠𝐨𝐬𝐭𝐮 𝟐𝟎𝟐𝟔__Tékniku O&M BTL, E.P, modifika kanu transmisaun GS DN 250mm, iha estasaun bomba Maufelo, ne’ebé lokaliza entre Becora no aldeia La’o Rai, suku Culuhun.
Servisu modifikasaun kanu ne’e, hodi troka liña transmisaun ne’ebé tuan/antigu ona, ho distánsia metru 8 (8m), nune'e hodi asegura kanalizasaun bee hosi bomba ba tanke rezervatóriu nomos fornesimentu bee moos ba komunidade sira. Enkuantu liña transmisaun refere mak durante ne’e hodi kanaliza bee hosi estasaun bomba Maufelo ba tanke rezervatóriu Berbido.
Durante halo servisu fíziku iha terrenu, hetan mos vizita hosi S.E Ministru Obras Públikas (MOP) no S.E Ministru orienta atu hakoi 𝑚𝑎𝑛𝑖𝑓𝑜𝑙𝑑 no muda painel kontrolu ne’ebé antes ne’e instala iha estrada klaran, nune’e bele asegura fasilidade bee nomos hodi fó espasu ba movimentasaun transporte sira iha fatin refere.
Hafoin rona tiha orientasaun ne’e, Jestór Distribuisaun anota no sei hato’o ba Ezekutivu BTL, E.P nian, atu bele deside no haree mekanizmu oinsá hodi muda ou hakoi fasilidade publika refere ho di’ak, atu nune’e bele garante nafatin funsionamentu distribuisaun bee moos ba konsumidór sira ne’ebé durante ne’e asesu bee hosi sistema bomba Maufelo nian.
Share on Social Media:
