Díli, 15/04/2024, Diretór O&M Bee Timor-Leste, Empreza Públika (BTL, E.P) no Diretór Administrasaun no Finansas, hamutuk ho ekipa hosi parseiru JICA iha Timor-Leste, akompaña hosi Jestór Peskiza & GIS, Koordenadór Armajen, Ofisiál O&M nomos Enjeñeiru DEI enkontru ho ekipa hosi kompañia ne’ebé fornese materiál kanalizasaun bee mai BTL, E.P. Enkontru ne’e rasik realiza iha sala reuniaun, edifísiu sentrál BTL, E.P, Caicoli, Díli.
Objetivu hosi reuniaun ne’e, hodi hatene no haree espesifikasaun materiál hirak ne’ebé kompañia manan na’in fornese mai BTL, E.P hanesan kanu no asesóriu sira.
Diretór O&M hatete, kompañia fornesedór presiza esplika no hatudu provas ou sample/amostra materiál sira ne'e, molok utiliza iha terrenu. Tanba ne'e, kompañia manan na'in ne'ebé fornese materiál sira tenke bazeia ou tuir rekezitu ou espesifikasaun tékniku nian ne'ebé sita ona iha dokumentu tenderizasaun nian no tenke kualidade, atu nune'e wainhira materiál hirak ne'e bele dura ba tempu naruk.
Iha reuniaun ne’e, parte kompañia fornesedór halo mos aprezentasaun hodi esplika espesifikasaun materiál nian ba BTL, E.P no parseiru JICA.
Enkuantu materiál hirak ne’e, sei fahe ba rua, hanesan balun sei utiliza ba projetu pilotu melloramentu sistema kanalizasaun iha suku Manleuana, liu-liu ba aldeia Lemokari, Lecibutak no Mundo Perdido nomos balun parte O&M sei uza ba servisu manutensaun ba zona sira iha kapitál Díli no munisípiu sira.
Share on Social Media:
