๐๐ขฬ๐ฅ๐ข, ๐๐ข๐ง๐ญ๐-๐๐๐ข๐ซ๐ ๐๐ ๐๐๐ญ๐๐ฆ๐๐ซ๐ฎ ๐๐๐๐
Prezidente Komisaun Ezekutiva (KE) BTL, E.P, Gustavo da Cruz, simu no realiza audiénsia ho Diretór hosi Diresaun Rejionál Bee, Saneamentu no Ambiente (DRASA, sigla portugés), Rejiaun Admibnistrativa Espesiál Oe-Cusse Ambeno (RAEOA) nian ho ekipa, iha Prezidente nia knaar fatin, edifísiu BTL, E.P sentrál, Caicoli.
Objetivu hosi audiénsia ne’e, hodi halo konsultasaun relasiona ho prosesu atu inisia aplikasaun tarifa bee iha RAEOA. Maske antes ne’e, sira realiza ona sosializasaun, maibé seidauk entende didi’ak etapa nomos iha limitasaun ba prosedimentu sira, tanba ne’e, ekipa DRASA nian prezensa ohin, atu husu BTL, E.P nia apoia ba kestaun administrativa, téknika nomos parte legál nian, nune’e sira bele hahú implementa planu ba aplikasaun tarifa bee nian.
Perante enkontru, Prezidente KE BTL, E.P hatete, BTL, E.P prontu atu apoia ba prosesu tomak, maibé Ezekutivu BTL, E.P propoin, molok hakat ba faze ne’e, presiza iha uluk ajendamentu reuniaun ida, entre Ezekutivu BTL, E.P ho Prezidente Autoridade RAEOA no ekipa, hodi deskute didi’ak no detalla kona-bá prosesu tomak, relativamente ba prosedimentu legál ne’ebé vinkuladu nomos tenke identifika kestaun téknika sira ne’ebé presiza atu halo melloramentu, molok implementa planu ne’e.
Hafoin sorumutuentre Ezekutivu no Prezidente RAEOA, mak BTL, E.P sei orienta ekipa téknika sira atu bele tulun iha aspeitu Apoiu Kliente, Operasaun no Manutensaun, Konstrolu Kualidade nomos prosesu pagamentu tarifa bee liuhosi banku, balkaun no ๐๐๐๐๐๐ ๐๐๐๐๐๐๐ nian. tanba BTL, E.P iha ona esperiénsia ba aplikasaun tarifa bee moos ba konsumidór sira.
Diretór DRASA ho ekipa apresia tebes tanba bele rona direta resposta ne’ebé pozitiva hosi BTL, E.P ne’ebé pontu atu tulun sira ba prosesu implementasaun planu aplikasaun taxa bee moos iha RAEOA.
Share on Social Media:
