Díli, 27/10/2022, Ekipa Bee Timor-Leste, Empreza Públika (BTL, E.P) hosi Zona 3 halo servisu melloramentu hodi hakoi ou taka (cor) kanu distribuisaun bee nune’e labele hetan estragu, nune’e bele garante distribuisaun bee ba komunidade sira, servisu ne’e hala’o iha aldeia Fomento II, postu-administrativu Dom Aleixo, munisípiu Díli.
Alende ne’e, Koordenadór Zona 3 hamutuk ho tékniku operadór sira kontinua halo observasaun ba iha bairo balun, hanesan Baia-Leste nian, ekipa sira identifika katak, iha bairo refere bee la sai ou komunidade sira iha bairo ne’e la asesu ba bee moos.
Tuir informasaun hosi Koordenadór Zona 3 katak, bee la sai, tamba presaun bee kiik, nune’e prejudika bee la to’o ba komunidade sira, maibé hafoin identifikasaun tékniku sira sei buka alternativa hodi rezolve kestaun ne’e, nune’e komunidade sira iha área ne’e bele asesu hikas ba bee moos. Enkuantu estasaun bomba ne’ebé mak durante ne’e, fornese bee ba komunidade sira iha bairo Baia-Leste mak estasaun bomba Manleuana.
Iha loron hanesan, tékniku operadór Zona 3 halo mos servisu seluk hanesan solda box painel hosi EDTL no box painel estasaun bomba merkadu Manleuana nian, inklui taka mos uma painel nian, iha área refere.
Share on Social Media:
