Díli, 08/04/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Sr. Gustavo da Cruz hamutuk ho Vise-Prezidente KE BTL, E.P ba Asuntu Tékniku, Sr. José Filipe Ximenes Smith no Vise-Prezidente KE BTL, E.P ba Asuntu Korporativu, Sr. Manuel Tomás Amaral de Carvalho, akompaña hosi Diretór Administrasaun no Finansas, Jestora Administrasaun no Finansas, Auditora Interna BTL, E.P nian, Jestora Aprovizionamentu no Jestór Legál BTL, E.P hala’o enkontru ho parte empreza internasionál E&Y, iha sala reuniaun Ezekutivu BTL, E.P, Caicoli.
Empreza internasionál E&Y ne’e kontrata hosi Governu Timor-Leste liuhosi Ministériu Finansas hodi halo auditoria ba ezekusaun orsamentu hahú hosi tinan 2021 to'o 2023 nian. Auditoria ne’e hahú hosi fulan outubru 2024 no sei termina iha fulan maiu tinan ne’e.
Objetivu ohin reuniaun ho BTL, E.P ne’e, hodi halo aprezentasaun preliminár liga ba relatóriu auditoria ne’ebé empreza internasionál E&Y halo ona, hodi haree fila-fali informasaun sira, atu nune’e empreza E&Y bele finaliza relatóriu auditoria refere.
Share on Social Media:
