Díli, 17/10/2023. Prezidente Komisaun Ezekutiva (KE) Bee Timor-Leste Empreza Públika (BTL, EP), Eng. Carlos Peloi dos Reis, akompaña hosi Vise-Prezidente KE BTL, E.P ba Asuntu Sistema Bee, Saneamentu no Drenajen, Sr. Gustavo da Cruz, Vise-Prezidente KE BTL, E.P ba Asuntu Boa Governasaun no Fortalesimentu Institusionál, Sra. Elizabeth Amaral, Diretór Enjeñaria & Investimentu (DEI), Jestor RP & GIS nomos ekipa PMU BTL, E.P hala’o enkontru ho parte Ajénsia Dezenvolvimentu Nasionál, Institutu Públiku (ADN, IP), Autoridade Nasionál Lisensiamentu Ambientál, Intitutu Públiku (ANLA, IP), Ministériu Obras Públikas (MOP), Ministériu Finansas (MF) parseiru Banku Mundiál (WB), Asian Development Bank-ADB no kompañia Dongsung Engineering Ltd, iha salaun enkontru BTL, E.P, Caicoli, Díli.
Reuniaun ne’e ho objetivu, hodi akompaña no rona aprezentasaun finál hosi kompañia Dongsung Engineering Ltd kona-bá Detail Engineering Design-DED ba projetu Dili Urban Water Supply System. Atu nune’e, parte hotu ne’ebé partisipa iha reuniaun refere, hodi fó komentáriu no rekomendasaun ligadu ho aprezentasaun refere.
Hafoin aprezentasaun, iha rekomendasaun ou sujestaun balun hosi entidade sira nomos parte ADN sei halo verifikasaun ikus ba DED ne’e rasik, molok hakat ba faze sira tuir mai.
Share on Social Media:
