Ainaro,14/02/2026,Prezidente Komisaun Ezekutiva (KE) Bee Timor-Leste,Empreza Públika (BTL, EP) Gustavo da Cruz ho Vise-Prezidente Komisaun Ezekutiva (KE) BTL, E.P ba Asuntu Tékniku, José Filipe Ximenes Smith no Vice-Prezidente Komisaun Ezekutiva (KE) BTL,E.P ba Asuntu Korporativu, Manuel Tomas Amaral de Carvalho partisipa iha serimónia lansamentu ba projetu reabilitasaun estrada Urbana iha Munisípiu Ainaro Vila,
Serimónia hatuur fatuk dahuluk ba projetu reabilitasaun estrada Urbana ne’e, ofisialmente lansa direta hosi Primeiru-Ministru (PM), Kay Rala Xanana Gusmão, akompaña hosi Ministru Obra Públika (MOP), Samuel Marçal,Vice-Ministru Insfreastutura Julio do Carmo,
no Prezidente Autoridade Munisípiu,Ainaro.
Projetu rehabilitasaun estrada urbana iha Ainaro villa ne’e Kompamhia rua mak sei implementa,ne'e mak,kompanhia Fortuna Star Unipessoal Lda ho numeru kontratu SSS/09/MOP/2026 ho orsamentu 4,324.875,82 ho durasaun tempu fulan 6 no Kompanhia Riquiza Gavinto Unipessoal Lda ho nia numeru kontratu SSS/010/MOP/2026, ho nia orsamentu hanesan 4,324.875,824,no durasaun tempu mós hanesan,fulan 6,
Total kilo metru 23 no sei implementa tuir etapa,nune etapa primeiru sei implementa uluk kilo metru 13, no etapa segundu kilometru 10.
Serimónia ne’e realiza iha Suku Ainaro Postu Administrativu Ainaro Vila Munisipiu Ainaro.
Iha okajiaun ne'e, Primeiru-Ministru Xanana Gusmão hateten, Insfreastutura mak hanesan baze ida ba Dezenvolvimentu povu no nasaun nian,tanba ne'e apela bá empreza ne’ebé implementa projetu ne’e atu servisu ho diak no hare mós nia kualidade tanba obra ne’e povu nian,povu mak sei uza hodi halo movimentu ba mai.
Alende ne’e, estrada di’ak bele hasa’e ekonomia lokál liu-liu produtu agrikultura no sasan seluk bele lori bá merkadu ho lalais, fó oportunidade servisu bá komunidade inklui Governu bele fó asisténsia saúde, edukasaun, seguransa ho lalais no efikás.
Iha serimónia lansamentu ne’e, hetan partisipasaun hosi membru Governu no Parlamentu Nasionál balun ho Prezidente Autoridade Munisípiu, Ainaro Autoridade Postu, Lideransa Komunitária, komunidade no entidade relevante sira seluk.
Share on Social Media:
