Díli, 23 Fevereiru 2026. Ekipa BTL, E.P kompostu hosi Departamentu Produsaun, Distribuisaun no DAK tuir treinamentu profisionál kona-bá ITRON 饾憜饾憵饾憥饾憻饾憽 饾憖饾憭饾憽饾憭饾憻 ne’ebé oferese hosi kompañia Loka Karya ITRON, iha sala reuniaun DOM, Caicoli. Treinamentu ne’e, abertura direta hosi Prezidente Komisaun Ezekutiva BTL, E.P, Gustavo da Cruz no akompaña hosi Diretór DOM, Aleixo dos Santos.
Realizasaun treinamentu profisionál ne’e, liuhosi kooperasaun servisu entre parseiru JICA iha Timor-Leste ho empreza Loka Karya ITRON hosi Indonésia, ho objetivu atu aumenta liu tan tékniku BTL, E.P nia koñesimentu kona-bá utilizasaun ITRON 饾憜饾憵饾憥饾憻饾憽 饾憖饾憭饾憽饾憭饾憻, oinsá bele kontrola metru kontadór sira no atu hatene gastu bee liuhosi telemovel.
Iha abertura ne’e, Prezidente KE BTL, E.P hatete, treinamentu profisionál ida ne’e hanesan oportunidade di’ak ida, atu bele aprende di’ak liu tan. Tanba ne’e, Ezekutivu husu ba tékniku sira, atu foku ba treinamentu refere, nune’e bele entende didi’ak prosesu hotu, atu nune’e bele responde ba konsumidór sira-nia preokupasaun kona-bá utilizasaun metru kontadór nomos gastu bee.
Iha biban ne’e, Ezekutivu BTL, E.P hato’o mos agradese wa’in ba formadór nomos parseiru JICA iha Timor-Leste, tanba bele apoia ona BTL, E.P hodi fó kapasitasaun ba tékniku sira, iha kestaun téknika nian.
Tuir planu, treinamentu profisionál ne’e, sei espande mos ba munisípiu sira seluk, nune’e hodi bele hodi kapasita mos tékniku operadór no koordenadór/a sira ne’ebé destakadu iha Munisípiu ida-idak.
Share on Social Media:
