Viqueque, 03/07/2024, Prezidente Komisaun Ezekutiva BTL, E.P, Eng. Carlos Peloi dos Reis, akompaña Diretór DEI BTL, E.P, Jestór Infraestrutura BTL, E.P ho engeñeiru BTL, E.P, hodi monitoriza projetu konstrusaun sistema fornesimentu bee moos, ne’ebé maka implementa hela iha Postu Administrativu Ossu.
Iha monitorizasaun ne’e, Prezidente Komisaun Ezekutiva BTL, E.P, orienta ba kompañia implementadór, atu aselera servisu, hodi finaliza lais obra ida ne’e, hodi bele fasilita komunidade sira, bele asesu ona bee.
Dadaun ne’e, projetu fizíku ba parte kanu transmisaun, distribuisaun no installasaun metru kontadór ba abitante sira nia uma, atinji 57%, nune’e mos konstrusaun pakote Liner Tank finaliza ona 100%, tamba ne’e kompañia sira kontinua esforsu hodi finaliza projetu ne’e.
Projetu konstrusaun sistema fornesimentu bee moos ida ne’e, sei benefisia ba komunidade sira, ne’ebé hela iha postu Ossu villa.
Share on Social Media:
