Díli, 19/02/2024, Prezidente Komisaun Ezekutiva BTL, E.P, Eng. Carlos Peloi dos Reis, akompaña husi Diretór Operasaun no Manutensaun, partisipa serimónia asina memorandu entendimentu entre UNICEF iha Timor-Leste no Governu China liu husi Embaxador China iha Timor-Leste, eventu ne’e hala’o iha Edifísiu UNICEF, Caicoli.
Governu Xina no UNICEF estabelese kontratu ida ne’e, ho objetivu prinsipál maka apoia governu Timor-Leste, hodi fo asistensia ba komunidade sira, ne’ebé hetan afetadu husi inundasaun iha 4 abril tinan 2021.
Projetu emerjensia ida ne’e, atu fo asistensia ba labarik sira, hodi hatan ba kalamidade no Pandemia Covid-19 iha Timor-Leste, ne’ebé maka afetadu husi inundasaun ne’e, bele asesu ba kualidade nutrisaun, edukasaun no servisu bee saneamentu, ho intensaun atu rekopera fila fali estragu sira.
Husi koperasaun entre UNICEF no Governu Xina, kompremitidu hodi kontinua fo apoia governu Timor-Leste, hodi responde ba efeitu inundasaun no mos fo apoia ba komunidade sira, atu rekopera no reziliente liu ba dezastre sira iha futuru.
Iha oportinidade ne’e, Prezidente KE BTL, E.P, agradese ba UNICEF no Governu Xina nia apoia durante ne’e, bele ajuda governu iha situasaun emerjensia, tamba ne’e koperasaun servisu ida ne’e bele la’o di’ak ba oin.
“ Hanesan ita boot sira hatene, ohin asina memorandu entendimentu entre governu Xina ho UNICEF, ida ne’e, governu Xina apoia orsamentu, liu husi UNICEF iha Timor-Leste, atu bele utiliza ba programa importante tolu hanesan, má-nutrisaun, hasa’e kualidade edukasaun, bee no saneamentu”
Programa ida ne’e, UNICEF sei apoia BTL, E.P hodi hadi’a sistema bee, tanke rezervatóriu, hodi fasilita komunidade sira iha munisípiu haat hanesan, Díli, Ainaro, Ermera no Baucau.
Share on Social Media:
