Díli, 25/04/2025. Prezidente Komisaun Ezekutiva (KE) Bee Timor-Leste Empreza Públika (BTL, E.P), Sr. Gustavo da Cruz partisipa iha enkontru/assembleia jerál PN-BESI-TL nian, iha Farol, ho tema "๐๐๐๐ ๐ฬ ๐ป๐๐๐๐ก๐๐ ๐๐๐๐๐๐๐ง๐๐ ๐๐ข๐ ๐๐ โ๐๐๐๐๐ ๐ ๐ธ๐ ๐ก๐๐๐ก๐ฬ๐๐๐ ๐ด๐๐ฃ๐๐๐๐ ๐๐ ๐๐’๐๐๐ฬ ๐ธ๐๐๐ก๐๐ฃ๐ข ๐๐ ๐บ๐๐๐๐๐ก๐ ๐ท๐๐ง๐๐๐ฃ๐๐๐ฃ๐๐๐๐๐ก๐ข ๐๐’๐๐๐ฬ ๐ผ๐๐ก๐๐๐๐๐๐ข, ๐ผ๐๐๐๐ข๐ง๐๐ฃ๐ข ๐๐ ๐๐ข๐ ๐ก๐๐๐ก๐ฬ๐ฃ๐๐ ๐โ๐ ๐๐๐ก๐ฬ๐ ๐ต๐๐ ๐๐๐๐ ๐๐ ๐๐๐๐๐๐๐๐๐ก๐ข ๐โ๐ ๐๐๐๐๐-๐ฟ๐๐ ๐ก๐”.
Prezidente PN-BESI-TL hatete, ohin realiza enkontru membru anuál ba tinan 2024 no 2025 nian nomos assembleia jerál membru PN-BESI-TL nian, ho objetivu ida, oinsá atu kontinua hametin liu tan kooperasaun no kolaborasaun servisu ne’ebé mak iha no integradu liu hamutuk ho parseiru dezenvolvimentu sira inklui parte relevante sira hosi governu, nune’e bele haforsa liu tan no garante fornesimentu bee, saneamentu no ijiene iha territóriu tomak ne’ebé mak adekuadu no inkluzivu.
Iha intervensaun Prezidente KE BTL, E.P hatete, los duni katak, bee no sanementu hanesan setór ida ne’ebé báziku ba povu no nasaun ida ne’e. Esforsu tomak ne’ebé parte hotu halo hanesan tema ne’ebé iha katak haforsa kooperasaun, ida ne’e di’ak tebes. Tanba ho paradigma ida ohin loron, la koloka ona sosiedade sivil hanesan de’it kontrolu sosiál, maibé involve mos iha prosesu oinsá liberta povu hosi ki’ak no mukit, liu-liu ba bee no saneamentu, ida ne’e paradigma ne’ebé mak akontese ou iha mudansa durante iha periodu hirak, ikus ne’e.
Ezekutivu BTL, E.P apresia ho PN-BESI-TL ho nia rede sira-nia papel, hodi halo advokasia ba iha governu no parlamentu, oinsá fó atensaun ba setór bee no sanemanetu. Ho sosiedade sivil sira-nia apoia tomak ba iha setór ida ne’e, mak konsege muda ona persentajen kobertura bee moos. Tanba, bazeia sensus tinan 2022 nian katak, kobertura bee iha nível báziku nasionál atinji ona 87%, urbanu 98% no área rurál 82%, nune’e mos kobertura saneamentu iha nível báziku, nasionál 58%, urbanu 72% no rurál 52%. Prezidente KE BTL, E.P konsidera, númeru kobertura ne’e, hanesan todan ida ba parte hotu-hotu, oinsá atu servisu hamutuk no servisu makaas liu tan, hodi bele atinji ou lori to’o 100%.
Prezidente KE BTL, E.P akresenta haree ba kestaun hirak ne’e, importante tebes atu parte hotu servisu hamutuk, hodi bele haree estratéjia sira oinsá atu aselera prosesu dezenvolvimentu nomos nafatin partilla informasaun ba malu, nune’e hodi buka solusaun ba problema sira iha setór bee no saneamentu nian.
Durante iha assembleia jerál ne’e, iha mos aprezentasaun hosi BTL, E.P liga “Progresu no Dezafiu hosi Fornesimentu Bee ba Komunidade sira” DNRAS aprezenta kona-bá “Oinsá Granate Fornesimentu Bee ne’ebé Adekuadu, Inkluzivu no Sustentável ba Komunidade sira inklui Lei no Polítika sira relevánsia ho Bee no Saneamentu” hosi FONGTIL nian kona-bá “Papel Sosiedade Sivilnia ba Garante Bee no Saneamentu hanesan Direitus umanus (Mekanizmu no Estratéjia Advokasia)” nomos kontinua diskusaun liga ba aprezentasaun sira no tema ne’ebé iha.
Partisipa iha enkontru/Assembleia jerál ne’e hosi Governu, membru organizasaun sira no ONG nasionál no internasionál.
Share on Social Media:
