Díli, 25/11/2025. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith ho Vise-Prezidente KE BTL, E.P ba Asuntu Korporativu, Manuel Tomás Amaral de Carvalho akompaña hosi Diretór O&M BTL, E.P, Aleixo dos Santos, Ofisiál Legál ho ekipa DAK BTL, E.P hamutuk ho parte Sekretaria Estadu Eletrisidade, Bee no Saneamentu (SEEAS, sigla portugés), Plataforma Nasionál Bee no Saneamentu Timor-Leste (PN-BESI-TL) no Diresaun Nasionál ba Regulasaun Bee no Saneamentu (DNRAS, sigla portugés) disemina informasaun ne'ebé abrigu iha Dekretu Lei no Diploma Ministeriál BTL, E.P nian, kona-bá ezisténsia o knaar BTL, E.P, tabela tarifária & regulamentu sira seluk, ba abitante sira, iha aldeia Klaak-Fuik, suku Becora, Postu-administrativu Cristo Rei.
Sosializasaun liga ba Dekretu Lei no Diploma Ministeriál ne’ebé mak BTL, E.P disemina hanesan Dekretu Lei nú. 41/2020 loron 25 fulan Setembru ne’ebé ko’alia kona-bá “Kriasaun Bee Timor-Leste, Empreza Públika (BTL, E.P), Dekretu Lei nú. 4/2004 loron 11 fulan Fevereiru, kona-bá “Aprova Rejime Fornesimentu Bee ba Konsumu Públiku”, nune’e mos Diploma Ministeriál nú. 1/2004 loron 11 fulan Fevereiru ne’ebé ko’alia kona-bá “Tabela Tarifária” no ikus liu Diploma Ministeriál nú. 1/2009 loron 5 fulan Outubru, kona-bá “Fiskalizasaun Sistema Abastesimentu Bee”.
Objetivu hosi realizasaun atividade sosializasaun ne’e, hodi partilla informasaun kona-bá, ezisténsia no papel BTL, E.P nian nomos regulamentu hotu ba konsumidór sira ne'ebé perténsia ba zona 6-9, molok halo melloramentu ba sistema kanalizasaun bee ba iha aldeia Klaak-Fuik, atu nune’e wainhira servisu melloramentu to’o iha sira-nia aldeia no suku referidu, komunidade sira bele koopera ou servisu hamutuk ho tékniku BTL, E.P nian, iha terrenu.
Durante iha atividade sosializasaun ne’e, komunidade sira hato’o sira-nia preokupasaun kona-bá problema bee moos, rekomendasaun no susjestaun balun, BTL, E.P anota no sei halo intervensaun hodi responde ba kestaun hirak ne’e.
Hafoin sosializasaun ne'e, iha tempu besik ekipa BTL, E.P sei tun fila-fali ba terrenu hodi rejista no halo servisu melloramentu ba sistema kanalizasaun bee iha aldeia referida, tanba ne'e, Ezekutivu BTL, E.P husu ba komunidade no Lideransa Komunitária Klaak-Fuik, atu kolabora ho tékniku BTL, E.P nian ne'ebé sei halo servisu iha sira-nia aldeia, nune'e labele atraza servisu fíziku iha terrenu.
Partisipa iha atividade sosializasaun ne’e mak Lideransa Komunitária, PNTL Eskuadra Cristo Rei no abitante sira hosi aldeia Klaak-Fuik, suku Becor
Share on Social Media:
.jpeg)
