Díli, 18/11/2026. Prezidente Komisaun Ezekutiva Bee Timor-Leste, Empreza Públika (BTL, E.P), Gustavo da Cruz akompaña S.E Ministru Obras Públikas (MOP), Samuel Marçal ho S.E Primeiru-Ministru (PM), Kay Rala Xanana Gusmão, partisipa debate faze espesialidade, Orsamentu Jerál Estadu (OJE) tinan 2026 nian, iha sala plenária, Parlamentu Nasionál (PN).
Orsamentu Jerál Estadu (OJE) tinan fiskál 2026 ba Ministériu Obras Públikas (MOP) no Ajénsia Autónoma sira ho montante $237,108,892 aprovadu iha PN ho votus a favór 42, kontra zero no abstensaun 23, iha debate faze espesialidade, loron dahaat nian.
Orsamentu ne’e, fahe ba kategoria Saláriu no Vensimentu $7,354,614, Bens no Servisus Korentes $17,274,303, Tranferénsias Públikas $129,918,321, Kapitál Menór $5,250,000 no Kapitál Dezenvolvimentu $77,311,654. Hosi totál OJE MOP nian $237,108,892 ne’e, inklui ona ho orsamentu ba BTL, E.P nian hamutuk $6 milloens.
Diskusaun espesialidade ne’e, lidera hosi Prezidente Parlamentu Nasionál (PPN), Maria Fernanda Lay no partisipa mos hosi S.E Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária, Mariano Assanami Sabino, Vise-Ministru Infraestrutura MOP, SEEAS, membru Governu no Dirijente hosi Ajénsia Autónoma sira nomos kargu xefia sira hosi MOP, inklui entidade relevante sira seluk.
Enkuantu Proposta Lei OJE 2026 nian ne’ebé Governu aprezenta iha PN ho montante Billaun $2.214.689,195 ho kategoria Saláriu no Vensimentu $476.870.249, Bens no Servisus Korentes $447.904.446, Tranferénsias Públikas $820.710.160, Kapitál Menór $32.556.96 no Kapitál Dezenvolvimentu $436.647.379.
Share on Social Media:
