Díli, 11/08/2022, Prezidente Konsellu Fiskál BTL, E.P, Sr. João Amaral, akompaña hosi Vogál Konsellu Fiskál BTL, E.P nain rua, iha loron 10 fulan agostu tinan ne’e, hala’o enkontru ho ekipa hosi Diresaun Administrasaun no Finansas (D.A.F), iha Sala Ezekutivu, edifísiu sentrál BTL, E.P, Caicoli.
Objetivu husi enkontru ne’e, maka Ezekutivu hosi Konsellu Fiskál BTL, E.P nian hakarak rona informasaun detalla kona-bá servisu ne’ebé mak Diresaun no Departamentu sira ne’ebé tutela iha Diresaun ne’e halo, atu nune’e, hodi bele entende servisu Diresaun no Departamentu sira ne’e nian, hodi nune’e Konsellu Fiskál bele fó pareser, atu mellora dezempeñu iha BTL, E.P.
Enkontru ne’e, partisipa hosi Jestór Departamentu Aprovizionamentu, Jestora Rekursu Umanu (D.R.H), Jestora Departamentu Administrasaun no Finansas (D.A.F) inklui Ofisiál Departamentu Apoiu Kliente (D.A.K) BTL, E.P.
Share on Social Media:
