Díli, 08/02/2023, Prezidente Komisaun Ezekutiva (K.E) Bee Timor-Leste, Empreza Públika (BTL, E.P) Eng. Carlos Peloi dos Reis, hamutuk ho I Vise-Prezidente K.E BTL, E.P no II Vise-Prezidente K.E BTL, E.P, enkontru ho Diretór DOM ho ekipa SOM, iha sala reuniaun Ezekutivu, edifísiu sentrál BTL, E.P, Caicoli, Díli.
Objetivu hosi enkontru ne’e, hodi aprezenta ba Ezekutivu BTL, E.P, kona-bá valór tarifa ba operasaun kamioneta xupa bee foer (xupa sentina), atu nune’e bele hetan apresiasaun no rekomendasaun hosi Ezekutivu sira, molok aplika tarefa ne’ebé fixu ba kliente sira.
Durante enkontru ne’e, Junior Ofisiál ETAR halo aprezentasaun kona-bá Kontajen Tarifáriu hodi Determina Valór ba Operasaun Kamioneta (Vacum Tanker Rua) ba Reseitas BTL, E.P.
Alende ne’e, hafoin aprezentasaun, Ezekutivu sira rekomenda atu halo revizaun ba valór despeza nian, nune’e bele adekuadu ho valór aplikasaun tarefa. Signifika rekomendasaun hosi Ezekutivu sira ne’e, hodi haree parámetru lubuk ida, liu-liu liga ba ETAR nian, hanesan presiza haree mos kustu ba operadór sira, sasan ou reajente hirak ne’ebé utiliza iha laboratóriu hodi halo tratamentu ba bee foer, kustu ba enerjia elétrika nomos manutensaun nian. Tanba ne’e, parte SOM sei hadi’a hikas valór refere no sei relata fila-fali rezultadu revizaun ne’e ba Ezekutivu sira, hafoin mak submete ba parte legál hodi haree, molok implementa.
Share on Social Media:
