Díli, 04/10/2022, Hafoin ekipa D.E.I lori kompañia sira ba site visit iha fatin ne’ebé sei implementa projetu haat, iha munisípiu Ermera, nune’e iha loron 03 fulan outubru tinan ne’e, ekipa téknika Aprovizionamentu hamutuk ho tékniku ou enjeñeiru hosi Diresaun Enjeñaria no Investimentu (D.E.I) Bee Timor-Leste, Empreza Públika (BTL, E.P), hala’o Prebid Meeting ho kompañia sira, iha salaun enkontru edifísiu BTL, E.P sentrál, Caicoli, Díli.
Prebit Meeting ne’e, ekipa BTL, E.P hala’o ho kompañia sira ne’ebé partisipa iha prosesu tenderizasaun ba projetu haat ne’ebé sei implementa iha postu-administrativu Atsabe, munisípiu Ermera, hanesan Projetu Konstrusaun Fornesimentu Sistema Bee Moos, ba iha Postu-Administrativu Atsabe (Zona Anilaba), Munisípiu Ermera, Projetu Melloramentu Sistema Bee Moos Ergina, bai ha Postu-Administrativu Atsabe, Munisípiu Ermera, Projetu Konstrusaun Tanke (BPT/Distribuisaun) ba Sistema Bee Moos Ergina, ba iha Postu-Administrativu Atsabe, Munisípiu Ermera no Projetu Pakote Supply & Installation Prefabricated Liner Tank inklui Fence ba iha Postu-Administrativu Atsabe (Zona Ergina no Anilaba), Munisípiu Ermera.
Prebid Meeting ne’e rasik, hodi ko’alia kona-bá prosesu kontinuasaun hosi site visit ne’ebé antes ne’e ekipa D.E.I lori kompañioa sir aba observa ona iha terrenu, relasiona ho projetu haat ne’ebé sei implementa iha postu-administrativu Atsabe, Munisípiu Ermera
Entretantu atividade site visit no prebid meeting ne’e, hanesan rekezitu mandatoria ida, iha dokumentu konkursu ba projetu konstrusaun no melloramentu sira.
Share on Social Media:
