Díli, 25/08/2022, Hafoin ekipa hosi Diresaun Enjeñaria no Investimentu (D.E.I) BTL, E.P lori kompañia sira ba hala’o site visit bá iha fatin Konstrusaun Sistema Bee Moos no Pakote Pre-Fabricated Liner Tank, iha postu-administativu Maubara, munisípiu Liquiça, ohin loron 25 fulan agostu ne’e, ekipa téknika husi parte Aprovizionamentu hamutuk ho D.E.I BTL, E.P hala’o Prebid Meeting ho kompañia sira, iha salaun enkontru edifísiu sentrál Caicoli, Díli.
Prebid Meeting ne’ebé hala’o iha parte dader nian mak hamutuk ho kompañia sira ne’ebé partisipa iha prosesu tenderizasaun ba parte Konstrusaun Sistema Bee Moos nian. No Prebid Meeting ne’e rasik, hodi ko’alia kona-bá prosesu kontinuasaun hosi site visit ne’ebé antes ne’e, ekipa D.E.I lori kompañia sira bá hala’o iha terrenu, relasiona ho projetu Konstrusaun Sistema Bee Moos, ba iha postu-administativu Maubara, munisípiu Liquiça.
Alende ne’e, iha parte lokraik, ekipa téknika hosi parte Aprovizionamentu hamutuk ho D.E.I BTL, E.P kontinua hala’o Prebid Meeting ho kompañia sira ne’ebé partisipa iha prosesu tenderizasaun ba pakote Supply & Installation Pre-Fabricated Liner Tank (Pakote Fornesimentu no Instalasaun ba Tanke Rezervatóriu), unidade ida ho kapasidade metru kúbiku 100 (100m3), unidade rua ho kapasidade metru kúbiku 170 (170m3) no unidade ida ho kapasidade metru kúbiku 70 (70m3) ba iha postu-administativu Maubara, munisípiu Liquiça.
Share on Social Media:
