Díli, 19/04/2023. Vise-Prezidente Komisaun Ezekutiva (KE) ba Asuntu Sistema Bee, Saneamentu no Drenajen Bee Timor-Leste, Empreza Públika (BTL, E.P), Sr. Gustavo da Cruz akompaña hosi ekipa hala'o enkontru ho parseiru Millennium Challenge Corporation (MCC), CDT-TL nomos Ministériu Relevante sira hanesan Diresaun Nasionál Terras no Propriedades Servisu Kadrastrál (DNTPSC, sigla portugés) hosi Ministériu Justisa (MJ) Ministériu Obras Públikas (MOP) no Ministériu Administrasaun Estatál (MAE). Enkontru koordenasaun ne'e, modera hosi Diretór Ezekutivu Nasionál CDT-TL, Embaixadór Constâncio Pinto iha Tower Fatuhada, Díli.
Objetivu hosi enkontru ne'e, hodi deskute kle'an ho parseiru no liña ministeriál sira kona-bá preparasaun prosesu sira molok hakat ba faze implementasaun Programa Kompaktu Timor-Leste, liu-liu iha área Tratamentu Bee Foer (Wastewater Treatment Plants-WwTP), Saneamentu no Drenajen iha Díli.
Durante iha enkontru ne'e, iha mos aprezentasaun hosi parseiru MCC no BTL, E.P. Hafoin aprezentasaun kontinua kedas ho diskusaun ou Komentáriu ligadu ho aprezentasaun refere.
Partisipa iha enkontru ne'e, mai hosi MCC, BTL, E.P rasik, MOP, MAE no DNTPSC MJ.
Share on Social Media:
