Díli, 20/01/2025. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, Sr. José Filipe Ximenes Smith akompaña hosi Diretór Operasaun no Manutensaun (DOM) partisipa enkontru ba preparasaun Pre-bid Meeting iha Komisaun Nasionál Aprovizionamentu I.P (CNA, sigla portugés). Enkontru ne’e realiza iha salaun enkontru CNA, I.P, Mascarenhas.
Objetivu hosi enkontru ne’e, hodi atu partilla informasaun tuir kompeténsia relasiona ho projetu melloramentu estrada Gleno ba Letefoho. Ho nune’e, atu bele kria liña koordenasaun servisu ne’ebé di’ak, iha faze implementasaun nian.
Prezensa BTL, E.P nian iha enkontru ne’e, hodi koordena ho parte relevante sira, liga ba sistema kanalizasaun bee ne’ebé afeta direta ba projetu melloramentu estrada ligasaun Gleno no Letefoho nian, liu-liu kanu transmisaun ne’ebé kanaliza bee hosi sistema gravitasaun mota boot no mota kiik mai kapitál Gleno ho distánsia kilómetru ualu (8km).
Durante iha enkontru ne’e, parte BTL, E.P husu atu nafatin iha liña koordenasaun ne’ebé di’ak iha períodu implementasaun nian. Nomos solisita, atu identifika no muda sistema kanu transmisaun hosi sistema gravitasaun mota boot no mota kiik nian ne’ebé afeta direta ba projetu refere, atu nune’e bele garante nafatin fornesimentu bee moos ba konsumidór sira Gleno.
Partisipa iha diskusaun ne’e, hosi Komisaun Autoridade Tributária, Ministériu Finansas (MF), SERVE, I.P, Autoridade Nasionál Minerais, I.P, CNA rasi no entidade relavante sira seluk.
Share on Social Media:
