饾悆饾悽虂饾惀饾悽, 饾煄饾煈 饾悈饾悶饾惎饾悶饾惈饾悶饾悽饾惈饾惍 饾煇饾煄饾煇饾煍. Prezidente Komisaun Ezekutiva (KE) Bee Timor-Leste, Empreza Públika (BTL, EP), Gustavo da Cruz hamutuk ho Koordenadór PMU 饾憡饾憥饾憽饾憜饾憥饾憶, akompaña Ministru Obras Públikas (MOP), Samuel Marçal partisipa iha enkontru KAFI ne’ebé lidera hosi Ministru Planeamentu no Investimentu Estratéjiku (MPIE), iha sala konferénsia MPIE, Hudi Laran, Díli.
Iha enkontru ne’e, Prezidente KE BTL, E.P aprezenta pedidu kona-bá aprovasaun no autorizasaun despeza ba projetu konsultoria, ligadu ho estudu DED ba intake Comoro II no Fatisi, hodi bele hetan aprovasaun hosi KAFI.
Durante diskusaun ne'e ohin, KAFI aprova ona proposta refere ba prosesu aprovizionamentu nian, nune'e bele hetan konsultór ida ne'ebé adekuadu, hodi prepara/dezeña DED ba intake rua ne'e.
Tuir planu, rekursu rua ne'e (Comoro II no Fatisi), sei utliza hodi kanaliza bee moos mai kapitál Díli, nune'e hodi reforsa rekursu ezisténsia sira seluk, atu bele responde ba komunidade sira-nia preokupasaun kona-bá problema falta bee moos.
Share on Social Media:
