๐๐ขฬ๐ฅ๐ข, ๐๐ ๐
๐๐ฏ๐๐ซ๐๐ข๐ซ๐ฎ ๐๐๐๐. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz, enkontru ho parte NGO La’o Hamutuk, iha sala reuniaun Ezekutivu BTL, E.P, Caicoli.
Enkontru ne’e, hodi ko’alia kona-bá informasaun ou relatóriu BTL, E,P tinan 2024 nian, ne’ebé NGO La’o Hamutuk asesu liuhosi pájina ofisiál website BTL, E.P nian, liga ba polítika BTL, E.P nian, ezekusaun, planu negósiu, dezafiu ou lakunas, progresu no oportunidade sira. Tanba ne’e ohin, La’o Hamutuk mai hakarak rona direta hosi parte BTL, E.P.
Durante iha enkontru ne’e, Prezidente KE BTL, E.P esplika detalla, kona-bá asuntu hirak ne’ebé mak NGO La’o Hamutuk asesu ona iha website no hakarak atu rona no hatene, relasiona ho estratejia ba implementasaun polítika, progresu no dezafiu sira ne’ebé BTL, E.P enfrenta durante ne’e.
Hafoin rona rona tiha esplikasaun hosi BTL, E.P, La’o Hamutuk apresia no NGO ne’e rasik husu atu oinsá, sira bele halo advokasia, hodi apoia BTL, E.P atu mellora liu tan servisu, nune’e bele atinji metas iha futuru.
Perante reuniaun ne’e, NGO La’o Hamutuk destake mos kona-bá planu negósiu BTL, E.P nian no Ezekutivu hatete, planu negósiu BTL, E.P nian ne’e ba tinan lima nian no tinan 2026 ne’e, kompleta ona ba tinan lima. Tanba ne’e, presiza halo revizaun, molok avansa ba tinan 2027.
Share on Social Media:
