๐๐ขฬ๐ฅ๐ข, ๐๐ ๐
๐๐ฏ๐๐ซ๐๐ข๐ซ๐ฎ ๐๐๐๐. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz, akompaña hosi Diretór DEI, João da Cruz Cardoso, partisipa iha enkontru koordenasaun, iha Ministériu Planeamentu no Investimentu Estratéjiku (MPIE), Hudi-Laran.
Reuniaun ne’e, lidera hosi Ministru Planeamentu no Investimentu Estratéjiku (MPIE), Gastão de Sousa, ho objetivu hodi koordena no orienta setór hirak ne’ebé responsável ba infraestrutura bázika nian, hanesan bee, eletrisidade no estrada, atu bele fasilita empreza Tsuneishi Timor Shipbuilding Unip, Lda, hodi implementa projetu konstrusaun estaleiru navál, iha Postu-administrativu Laleia, Munisípiu Manatuto.
Relativamente ba orientasaun ne’e, iha setór bee nian, BTL, E.P prontu atu fasilita bee ba futuru investimentu refere. Tanba daudaun ne’e, BTL, E.P implementa hela projetu konstrusaun sistema bee moos iha PA Laleia no iha ona faze finalizasaun nian, nune’e mos sistema bee refere sei sufisiente, hodi responde ba demanda ou nesesidade hosi empreza nian.
Maibé planu ba futuru, empreza ne’e, sei presiza bee ho totál 600 toneladas kada loron, kompostu hosi ๐๐๐๐ โ ๐ค๐๐ก๐๐ (bee moos) 100 toneladas kada loron no ๐ค๐๐ก๐๐ ๐๐๐๐ข๐ ๐ก๐๐ฆ (bee ba indústria) 500 toneladas kada loron. Ho nune’e, BTL, E.P sei halo separasaun ba utilizasaun konsumu doméstiku no indústria sira.
Tanba ne’e, BTL, E.P planea ona, konstrusaun sistema bee atuál iha Laleia, sei fornese de’it ba konsumidór doméstiku sira no presiza atu halo tan perfurasaun foun ida nomos konstrusaun tanke rezervatóriu ida ho medida 60m³, inklui kanalizasaun bee hosi fontes bee ba futuru estaleiru refere, atu nune’e bele fó resposta ba nesesidade empreza nian.
Tuir planu semana oin, ekipa konjunta sei tun ba terrenu, hodi observa fatin no halo levantamentu dadus tékniku, hafoin sei submete ba CAFI, hodi halo apresiasaun no aprovasaun, nune'e bele finansia insfraestrutura bázika hirak ne’ebé sei responde ou utiliza ba investimentu ne’e.
Sorumutu ohin, partisipa hosi MPIE, TradeInvest Timor-Leste, EDTL, E.P no MOP inklui ekipa hosi empreza Tsuneishi Timor Shipbuilding.
Share on Social Media:
