Díli, 10/07/2024. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P), ba Asuntu Sistema Bee, Saneamentu no Drenajen, Sr. Gustavo da Cruz, akompaña hosi Diretór Administrasaun no Finansas (DAF) no Diretór Operasaun no Manutensaun (DOM) BTL, E.P enkontru ho ekipa hosi parseiru Unicef, iha sala reuniaun Ezekutiva BTL, E.P, Caicoli.
Reuniaun ne'e, hodi koordena asuntu lubuk ida ne’ebé parseiru Unicef iha Timor-Leste sei apoia BTL, E.P iha setór bee no saneamentu nian ba munisípiu haat nomos iha kapitál Díli.
Ezekutivu BTL, E.P esplika, Unicef iha Timor-Leste sei apoia BTL, E.P hodi instala tanke rezervatóriu bee ba munisípiu haat, ne’ebé identifikadu sei sai alvu ba El Niño. Tanba ne’e, instalasaun tanke rezervatóriu hirak ne’e, hanesan intervensaun ida hodi responde ba tempu bailoron naruk, nune’e bele fasilita komunidade sira hodi asesu ba bee moos, durante fulan tolu.
“𝐴𝑚𝑖 ℎ𝑎𝑙𝑜 𝑘𝑜𝑜𝑟𝑑𝑒𝑛𝑎𝑠𝑎𝑢𝑛 𝑏𝑎 𝑝𝑟𝑒𝑝𝑎𝑟𝑎𝑡𝑖𝑣𝑢 𝑠𝑖𝑟𝑎 ℎ𝑜𝑑𝑖 𝑟𝑒𝑠𝑝𝑜𝑛𝑑𝑒 𝑏𝑎 𝐸𝑙 𝑁𝑖𝑛̃𝑜 𝑖ℎ𝑎 𝑚𝑢𝑛𝑖𝑠𝑖́𝑝𝑖𝑢 ℎ𝑎𝑎𝑡 ℎ𝑎𝑛𝑒𝑠𝑎𝑛 𝐶𝑜𝑣𝑎𝑙𝑖𝑚𝑎, 𝐿𝑎𝑢𝑡𝑒́𝑚, 𝐵𝑜𝑏𝑜𝑛𝑎𝑟𝑜 𝑛𝑜 𝑉𝑖𝑞𝑢𝑒𝑞𝑢𝑒 𝑛𝑒’𝑒𝑏𝑒́ 𝑛𝑖𝑛𝑖𝑎 𝑝𝑟𝑜𝑠𝑒𝑠𝑢 𝑎𝑔𝑜𝑟𝑎 𝑙𝑎’𝑜 ℎ𝑒𝑙𝑎, 𝑖𝑡𝑎 𝑎𝑡𝑢 𝑖𝑛𝑠𝑡𝑎𝑙𝑎 𝑡𝑎𝑛𝑘𝑒 𝑠𝑖𝑟𝑎 𝑖ℎ𝑎 𝑎́𝑟𝑒𝑎 𝑠𝑖𝑟𝑎 𝑛𝑒’𝑒𝑏𝑒́ 𝑚𝑎𝑘 𝑖ℎ𝑎 𝑡𝑒𝑚𝑝𝑢 𝑏𝑎𝑖𝑙𝑜𝑟𝑜 𝑛𝑎𝑟𝑢𝑘 𝑎𝑓𝑒𝑡𝑎 𝑏𝑎 𝑏𝑒𝑒 𝑚𝑜𝑜𝑠. 𝐴𝑔𝑜𝑟𝑎 𝑑𝑎𝑢𝑑𝑎𝑢𝑛 𝑖𝑡𝑎 ℎ𝑎𝑙𝑜 ℎ𝑒𝑙𝑎 𝑝𝑟𝑒𝑝𝑎𝑟𝑎𝑡𝑖𝑣𝑢 𝑝𝑎𝑟𝑎 𝑎𝑡𝑢 ℎ𝑎𝑙𝑜 𝑚𝑜𝑏𝑖𝑙𝑖𝑧𝑎𝑠𝑎𝑢𝑛 𝑡𝑎𝑛𝑘𝑒 𝑏𝑎 𝑚𝑢𝑛𝑖𝑠𝑖́𝑝𝑖𝑢 𝑛𝑒’𝑒, 𝑎𝑡𝑢 𝑖𝑛𝑠𝑡𝑎𝑙𝑎 𝑖ℎ𝑎 𝑏𝑎𝑖𝑟𝑜 𝑜𝑢 𝑎𝑙𝑑𝑒𝑖𝑎 𝑛𝑒’𝑒𝑏𝑒́ 𝑚𝑎𝑘 𝑠𝑒𝑖 𝑒𝑛𝑓𝑟𝑒𝑛𝑡𝑎 𝐸𝑙 𝑁𝑖𝑛̃𝑜 𝑡𝑢𝑖𝑟 𝑑𝑎𝑑𝑢𝑠 ℎ𝑜𝑠𝑖 𝑈𝑛𝑖𝑐𝑒𝑓. 𝑇𝑜𝑡𝑎́𝑙 𝑡𝑎𝑛𝑘𝑒 𝑛𝑒’𝑒𝑏𝑒́ 𝑎𝑡𝑢 𝑖𝑛𝑠𝑡𝑎𝑙𝑎 𝑛𝑒’𝑒, ℎ𝑎𝑚𝑢𝑡𝑢𝑘 85, 𝑘𝑎𝑑𝑎 𝑚𝑢𝑛𝑖𝑠𝑖́𝑝𝑖𝑢 𝑠𝑒𝑖 ℎ𝑒𝑡𝑎𝑛 20 𝑠𝑜́ 𝐵𝑜𝑏𝑜𝑛𝑎𝑟𝑜 𝑚𝑎𝑘 𝑠𝑒𝑖 ℎ𝑒𝑡𝑎𝑛 𝑡𝑎𝑛𝑘𝑒 25, 𝑎𝑡𝑢 𝑖𝑛𝑠𝑡𝑎𝑙𝑎 𝑝𝑎𝑟𝑎 𝑘𝑜𝑚𝑢𝑛𝑖𝑑𝑎𝑑𝑒 𝑏𝑒𝑙𝑒 𝑎𝑠𝑒𝑠𝑢 𝑜𝑢 𝑘𝑢𝑟𝑢 𝑑𝑢𝑟𝑎𝑛𝑡𝑒 𝑡𝑒𝑚𝑝𝑢 𝑏𝑎𝑖𝑙𝑜𝑟𝑜𝑛, ℎ𝑜 𝑑𝑢𝑟𝑎𝑠𝑎𝑢𝑛 𝑡𝑒𝑚𝑝𝑢 𝑏𝑎 𝑓𝑢𝑙𝑎𝑛 𝑡𝑜𝑙𝑢”, relata Ezekutivu BTL, E.P.
Alen de ne’e, BTL, E.P ho Unicef deskute mos kona-bá preparativu sira ba implementasaun apoia hosi Governu Xina nian liuhosi parseiru Unicef iha TL, ne’ebé daudaun ne’e iha hela prosesu, ho objetivu hodi halo intervensaun ba dezastre naturál sira, liu-liu liga ba bee.
Iha okaziaun ne’e, parte rua ko’alia mos kona-bá preparasaun ba implementasaun projetu eskala kiik ne’ebé sei implementa iha munisípiu Viqueque no Ainaro. Nomos finalizasaun ba projetu estasaun fase lima hamutuk 17 ne’ebé parseiru Unicef konstroi ona iha kapitál Díli no finaliza ona, daudaun ne’e sei instala hela bee ba fatin hirak ne’e, atu nune’e bele fasilita públiku hodi fase liman. Hafoin instalasaun bee remata, Unicef sei entrega mai BTL, E.P no Empreza Públika ne’e sei entrega fila-fali ba Munisípiu Díli, hodi kontrola ou halo jestaun ba estasaun refere.
Ikus liu, kona-bá preparasaun ba instalasaun bee moos no toilet públiku ba fatin konsentrasaun sarani nian, hosi munisípiu sira ne’ebé atu mai partisipa misa iha Tasi-Tolu, ligadu ho vizita Santu Padre nian iha TL. Fatin hirak ne’ebé identifika ona mak Hera, Casnafar ou Beduku no Tibar, nune’e iha tempu besik ekipa sei halo instalasaun bee no toilet públiku, hodi fasilita sarani sira, durante estadia iha fatin hirak ne’e.
Share on Social Media:
