𝐃𝐢́𝐥𝐢, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚 𝟏𝟎 𝐀𝐠𝐨𝐬𝐭𝐮 𝟐𝟎𝟐𝟔.
Vise-Prezidente Komisaun Ezekutiva (KE) BTL, E.P ba Asuntu Tékniku, José Filipe Ximenes Smith ho Diretór DEI, João da Cruz Cardoso, akompaña hosi Jestór Infraestrutura no Enjeñeiru DEI observa servisu mudansa kanu transmisaun foun ho distánsia metru 300 (300m), iha Auhun, suku Becora, nune’e hodi konekta no ajusta tuir kanu hirak ne’ebé antes ne’e instala ona.
Alen de ne'e, kompañia mos ke’e rai ou kanál instalasaun nian, hodi hakoi kanu refere, nune’e atu asegura liña transmisaun ne'e no evita estragu iha futuru.
Remata iha Becora Auhun, Ezekutivu ho ekipa kontinua monitoriza projetu melloramentu sistema kanalizasaun bee iha aldeia Lases, suku Camea.
Atividade monitorizasaun ne’e, hodi observa direta projetu fiíziku iha terrenu, hodi hatene progresu servisu nomos atu garante kualidade obra ne’e rasik. Enkuantu daudaun ne’e, kompañia Naven Unip Lda, halo hela servisu eskavasaun kanál instalasaun nian, hodi instala no hakoi 𝑝𝑜𝑙𝑦 distribuisaun bee iha aldeia Lases.
Tuir planu, servisu melloramentu liña distribuisaun ba aldeia sira, hahú hosi aldeia Lases, suku Camea no sei kontinua to’o iha Becora Auhun.
Hafoin instalasaun ne'e finaliza, BTL, E.P sei realiza sosializasaun iha aldeia sira, molok kanaliza bee moos no monta metru kontadór ba uma kain idak-idak.
Share on Social Media:
