Manufahi, 11/10/2022, Tékniku Operadór (T.O) Bee Timor-Leste, Empreza Públika (BTL, E.P), munisípiu Manufahi hamutuk ho traballadór Mão de Obra halo melloramentu hanesan ke’e rai hodi hakoi kanu distribuisaun bee, iha postu antigun ne’ebé lokaliza iha aldeia Rialau, suku Letefoho, postu-administrativu Same, munisípiu Manufahi.
Tékniku no traballadór sira halo melloramentu ne’e, hodi prepara atu halo ligasaun ba bee ba komunidade sira-nia hela fatin ida-idak, maibé hafoin finaliza melloramentu ba lina distrtibuisaun bee refere.
Alende atividade melloramentu ba liña distibuisaun ne’e, tékniku operadór sira mos kontinua hamoos bee ulun Merbuti, iha aldeia Cotalala, suku Letefoho, postu-administrativu Same.
Atividade limpeza ne’e, hanesan servisu regulár ne’ebé tékniku sira halo, hodi garante bee ulun ne’e nafatin moos, atu labele hamosu intupidu.
Share on Social Media:
