๐๐ขฬ๐ฅ๐ข, ๐๐๐ฑ๐ญ๐-๐๐๐ข๐ซ๐ ๐๐ ๐๐ฎ๐ญ๐ฎ๐๐ซ๐ฎ ๐๐๐๐
Bee Timor-Leste, Empreza Públika (BTL, E.P) realiza atividade sosializasaun kona-bá Dekretu Lei nú. 41/2020 loron 25 fulan Setembru ne’ebé ko’alia kona-bá “๐พ๐๐๐๐ ๐๐ข๐ ๐ต๐๐ ๐๐๐๐๐-๐ฟ๐๐ ๐ก๐, ๐ธ๐๐๐๐๐ง๐ ๐๐ขฬ๐๐๐๐๐ (๐ต๐๐ฟ, ๐ธ.๐), Dekretu Lei nú. 4/2004 loron 11 fulan Fevereiru, kona-bá “๐ด๐๐๐๐ฃ๐ ๐
๐๐๐๐๐ ๐น๐๐๐๐๐ ๐๐๐๐๐ก๐ข ๐ต๐๐ ๐๐ ๐พ๐๐๐ ๐ข๐๐ข ๐๐ขฬ๐๐๐๐๐ข”, nune’e mos Diploma Ministeriál nú. 1/2004 loron 11 fulan Fevereiru ne’ebé ko’alia kona-bá “๐๐๐๐๐๐ ๐๐๐๐๐๐ฬ๐๐๐” no ikus liu Diploma Ministeriál nú. 1/2009 loron 5 fulan Outubru, kona-bá “๐น๐๐ ๐๐๐๐๐ง๐๐ ๐๐ข๐ ๐๐๐ ๐ก๐๐๐ ๐ด๐๐๐ ๐ก๐๐ ๐๐๐๐๐ก๐ข ๐ต๐๐”, iha aldeia 17 de Abril, suku Metiaut, Postu-administrivu Cristo Rei, Munisípiu Díli.
Sosializasaun ne’e ho objetivu, hodi partilla uluk informasaun ba konsumidór sira sira, ligadu ho regulamentu sira ne’ebé sita ona iha leten, molok BTL, E.P mellora sistema kanalizasaun bee iha aldeia 17 de Abril. Atu nune’e, wainhira servisu melloramentu to’o iha aldeia ne’e, komunidade sira bele koopera, hodi aselera servisu fíziku iha terrenu.
Vise-Prezidente Komisaun Ezekutiva (KE) BTL, E.P ba Asuntu Tékniku, José Filipe Ximenes Smith hatete, hafoin sosializasaun ne’e, iha tempu besik tékniku BTL, E,P nian sei mai halo servisu melloramentu iha aldeia ida ne’e, tanba ne’e husu ba komunidade aldeia 17 de Abril, atu kolabora no labele inteven servisu BTL, E.P nian iha terrenu.
Iha biban ne’e, Administradór Postu-Administrativu Cristo Rei, solisita ba abitante sira atu fahe tutan informasaun ba maluk sira seluk ne’ebé la partisipa iha sosializasaun refere hodi sira mos bele entende nomos ba konsumidór sira ne’ebé seidauk rejista, atu bele aproxima ho BTL, E.P, nune’e bele hatene klaru prosesu tomak antes halo rejistu.
Diretór O&M BTL, E.P, Aleixo dos Santos, Jestór DAK no Ofisiál Legál esplika kestaun téknika nian, relativamente ba servisu O&M, oinsá atu asesu sistema kanalizasaun públika, tabela tarifária nomos kestaun legál nian liu-liu aplikasaun koima nomos sansaun sira, wainhira kliente sira la kumpri ou kontra regulamentu ne’ebé eziste.
Durante iha atividade sosializasaun ne’e, komunidade sira hato’o sira-nia preokupasaun kona-bá problema bee moos, rekomendasaun no susjestaun balun, BTL, E.P anota no sei halo intervensaun hodi responde ba kestaun hirak ne’e.
Partisipa iha atividade sosializasaun ne’e mak Administradór Postu-administrativu Cristo Rei, Lideransa Komunitária, Komandante Polísia Komunitária iha PA Cristo Rei no abitante sira hosi aldeia 17 de Abril, suku Metiaut.
Share on Social Media:
