Díli, 07/11/2025, Prezidente Komisaun Ezekutiva, Bee Timor-Leste, Empreza Públika (BTL, E.P), Gustavo da Cruz, enkontru ho misaun ida hosi JICA hamutuk ho 𝑇𝑒𝑐ℎ𝑛𝑖𝑐𝑎𝑙 𝐴𝑠𝑠𝑖𝑠𝑡𝑎𝑛𝑐𝑒 (TA) JICA nian, iha sala reuniaun Ezekutivu BTL, E.P, Caicaoli.
Sorumutu ne’e, ekipa JICA mai introduz sistema foun ida ba Ezekutivu BTL, E.P, liu-liu liga ba billing system/sistema faturamentu ho naran Snoopy (𝑆𝑛𝑜𝑜𝑝𝑦 𝐵𝑖𝑙𝑙𝑖𝑛𝑔 𝑆𝑦𝑠𝑡𝑒𝑚), atu nune’e iha futuru BTL, E.P bele utiliza sistema ida ne’e, iha prosesu pagamentu tarifa bee nian. Tanba 𝑆𝑛𝑜𝑜𝑝𝑦 𝐵𝑖𝑙𝑙𝑖𝑛𝑔 𝑆𝑦𝑠𝑡𝑒𝑚 ne’e, uza de’it 𝑠𝑚𝑎𝑟𝑡𝑝ℎ𝑜𝑛𝑒 hodi hasai foto metru kontadór kliente nian nomos bele imprime kedas dadus kliente no presu bee nian bazeia ba utilizasaun bee kada loron.
Enkuantu BTL, E.P daudaun ne’e, uza hela sistema ne’ebé hanesan, maibé maneira atu identifika dadus kliente nian seidauk automátika hanesan sistema foun ne'e, katak leitór sira hasai tiha foto iha terrenu, hafoin haruka ba server hodi identifika dadus komsumidór nian. Maibé sistema foun ne’e, fasil liu tanba uza 𝑠𝑚𝑎𝑟𝑡𝑝ℎ𝑜𝑛𝑒 hasai foto no bele imprime direta dadus kliente sira nian iha terrenu. Ho nune’e, liuhosi aprezentasaun refere, oinsá BTL, E.P bele opta sistema ne’e, nune’e bele hafasil liu tan prosesu rekolla ou pagamentu tarifa bee.
Ezekutivu akresenta, oras ne'e, ekipa hala’o hela survey, hodi rekolla dadus sira no iha tempu besik sei iha reuniaun téknika ho Diretór, Jestór no térkniku BTL, E.P nian, hodi bele esplika detalla kestaun téknika nian nomos preparativu sira ba implementasaun pilotu ne’e. Tuir planu sei implementa uluk iha zona 1, 3 no 4 ho totál komsumidór 600, nune’e hodi halo análize iha Japaun no iha fulan fevereiru ou marsu tinan 2026 ekipa ne’e sei fila-fali mai TL, atu bele implementa ona pilotu 𝐵𝑖𝑙𝑙𝑖𝑛𝑔 𝑆𝑦𝑠𝑡𝑒𝑚 refere.
Iha biban ne’e, Ezekutivu BTL, E.P apresia tebes ba aprezentasaun hosi parseiru JICA nian, kona-bá utilizasaun sistema ne’e, tanba simples, evita erru, akuradu, automátikamente sistema mak lee dadus sira hotu no fásil liu atu fasilita prosesu rekolla tarifa bee nian
Share on Social Media:
