𝐃𝐢́𝐥𝐢, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚 𝟎𝟗 𝐍𝐨𝐯𝐞𝐦𝐛𝐫𝐮 𝟐𝟎𝟐𝟔
Prezidente Komisaun Ezekutiva Bee Timor-Leste, Empreza Públika (BTL, E.P), Gustavo da Cruz akompaña Ministru Obras Públikas (MOP), Samuel Marçal, partisipa iha debate loron dahuluk faze jeneralidade, Proposta Lei n.° 33/VI(4.ª) kona-bá Orsamentu Jerál Estadu (OJE) ba tinan fiskál 2027 nian, iha sala plenária Parlamentu Nasionál (PN).
Proposta Lei OJE tinan fiskál 2027 nian ne’ebé Governu aprezenta iha PN ho montante globál konsolidadu millaun $2.568,5 ne’ebé sei kobre ba programa prioridade Governu nian, hanesan servisu públiku esensiál sira, problema sosiál, infraestrutura no diversifikasaun ekonómika.
Diskusaun no votasaun ba Proposta Lei OJE tinan 2027 iha faze jeneralidade hala'o durante loron tolu, hahú ohin 09 no sei kontinua to’o loron 11 fulan novembru tinan ida-ne’e.
Debate OJE 2027 iha jeneralidade ne’e, lidera hosi Prezidente Parlamentu Nasionál (PPN), Maria Fernanda Lay no partisipa hosi S.E Primeiru-Ministru (PM), Kay Rala Xanana Gusmão, Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária, Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente no membru Governu no Dirijente hosi Ajénsia Autónoma sira nomos kargu xefia sira hosi liña ministeriál sira, inklui entidade relevante sira seluk.
Share on Social Media: