Díli,07/11/2022, Prezidente Komisaun Ezekutiva BTL, E.P, Eng. Carlos Peloi dos Reis, akompaña husi Jestór Operasaun no Manutensaun BTL, E.P, enkontru ho parseiru Japan International Cooparation Ajency ( JICA ), ne’ebé realiza iha salaun enkontru BTL, E.P, Caicoli.
Objetivu husi enkontru ne’e, ekipa parseiru JICA, informa pontu tolu importante mak hanesan, JICA sei fo kapasitasaun ba tékniku operadór BTL, E.P, nune’e mos halo melloramentu ba sistema bee moos iha Aldeia Ramelau, no husu BTL, E.P atu parsipa iha atividade Joint Coomitee Meeting.
Parseiru JICA sei fo treinamentu ba tékniku operadór BTL, E.P, hodi kapasita liu tan konesimentu, nune’e tékniku sira bele servisu ho profesional.
JICA no diresaun Operasaun no manutensaun dadaun ne’e, mellora sistema bee iha Aldeia Ramelau, nu’udar projetu pilotu ida, hodi hadi’a sistema refere, nune’e bele distribui bee ba konsumidór sira, ho oras rua nulu resin hat ( 24 horas ).
Prezidente K.E BTL, E.P, agredese ba parseiru JICA, ne’ebé durante ne’e fo ona apoia ba BTL, E.P, hodi lori bee ba komunidade sira, liu-liu iha munisípiu Díli.
Share on Social Media:
