Díli, 10/11/2022, Prezidente Komisaun Ezekutiva BTL, E.P, Eng. Carlos Peloi dos reis, akompaña Diretór Engeñaria no Investimentu BTL, E.P, hala’o enkontru ho DFAT/PARTISIPA, ne’ebé realiza iha salaun enkontru BTL, E.P, Caicoli.
Iha enkontru ne’e, DFAT/PARTISIPA, halo aprezentasaun kona-bá melloramentu sistema bee moos urzensia iha sesaun I no sesaun II ne’e, lokaliza iha Tohume, ne’ebé tuir planu iha fulan ne’e sei entrega ofisiál ba BTL, E.P.
Alende ne’e halo aprezentasaun mos ba mrlloramentu sistema bee moos iha Mutudare, ne’ebé dadaun ne’e obra la’o hela no tuir planu projetu ne’e sei finaliza iha fim fulan dezenbru tinan ne’e.
Hafoin rona aprezentasaun ne’e, Prezidente K.E BTL, E.P, kontente los tamba projetu refere, uza fasilidade ida, ne’ebé kualidade di’ak, hodi bele uza kleur, nune’e bele fornese bee moos ba komunidade sira kapitál Díli.
Governu Austrália fó apoiu fundus dollar Austalianu millaun 6, hodi finansia ba projetu melloramentu sistema bee moos iha Tohumeta no mos Mutudare.
Share on Social Media:
