Ataúro, 26/10/2022, Ekipa Task Force BTL, E.P kanaliza kanu PE NOD 50, hodi lori bee ba komunidade sira, ne’ebé hela iha área Akrema.
Durante tempu naruk, komunidade sira iha fatin refere, susar asesu ba bee moos, tamba ne’e dirijente BTL, E.P, fo orientasaun ba ekipa Task Force BTL, E.P, hala’o traballu ba Munisípiu Ataúro, hodi rezolve komunidade nia preokupasaun relasiona ho bee moos.
Ho ekipa task Force BTL, E.P nia prezensa loron semana ida ona, hatudu servisu ho maxímu, nune’e komunidade sira, hela iha Aldeia Baruana no Akrema, konsege asesu ona bee hosi sistema kanalizasaun refere.
Ekipa Task Force servisu iha terrenu hetan akompanamentu hosi autoridade lokál no komunidade sira, ne’ebé installa kanu PE NOD 50 ho distánsia metru atus lima ( 55 m ) to’o iha área Akrema, ne’ebé abitante uma kain tolu nulu resin sia ( 39 ), ho populasaun atus ida neen nulu resin rua ( 162 ) mak asesu ona bee moos.
Abitante sira asesu bee liu husi torneira públiku 5, ne’ebé harii besik ona komunidade sira nia rezidensia, ho kapasidade bee 2200 I/s.
Share on Social Media:
