Ataúro, 19-25/10/2022, ekipa Task Force ho tékniku eletrisidade BTL, E.P, troka Bomba foun ho kapasidade 2,9 i/s, nune’e mos hadi’a bomba bee iha Beloi 1 no 2 la’o normal hikas hotu.
Estasaun bomba bee refere, ida fornese bee ba komunidade sira iha Beloi, no bomba ida seluk distribui bee ba abitante sira iha Biqueli baruana.
Hafoin ekipa normaliza Bomba bee, hetan apoiu servisu husi autoridade lokál no joven balun, installa Kanu GS DN 80 no 50 ho distánsia 50 m no kanaliza mos Kanu PE NOD 63 ho distánsia 450m, ne’ebé bee mos la’o tuir kedas kanu.
Ekipa kontinua kanaliza Kanu PE NOD 63 ho distánsia 600m hodi lori bee ba to Aldeia Baruana, Suku Biqueli, nune’e mos ajuda Xefe Aldeia pala hasa’e no troka Bomba foun, hodi fasilita komunidade sira, ne’ebé hela iha área refere.
Ekipa Task Force servisu ho vontade di’ak, ne’ebé konsege lori ona bee ba to’o ona Aldeia Baruana, nune’e iha loron 24/10/2022, identifika Kanu PE NOD 63 Ezistin no halo kanalizasaun Kanu PE NOD 63 ho distánsia 400m husi Aldeia Baruana ba Akrema.
Ekipa konjuta durante hala’o servisu iha Ataúro ne’e, akompaña direita husi Administradór Munisípiu Ataúro.
Share on Social Media:
