Díli, 26/10/2022, Ekipa konjunta Bee Timor-Leste, Empreza Públika (BTL, E.P) kompostu hosi tékniku Zona 2, 6-9 inklui ekipa Task Force hala’o servisu manutensaun ba kanu distribuisaun, iha área Fatuhada, postu-administrativu Dom Aleixo, munisípiu Díli.
Tékniku sira halo manutensaun ba liña distribuisaun ne’e, tamba kanu refere tuan ou antigu ona, nune’e wainhira bee kona bebeik, hodi provoka feruzen to’o ikus estragu ou ku’ak nune’e provoka bee sulin estraga no distribuisaun bee ba komunidade sira kiik.
Hafoin identifika ekipa konjunta tun kedas ba terrenu hodi halo intervensaun ba estragus refere, nune’e bele garante fornesimentu bee ba komunidade.
Share on Social Media:
