Díli, 23/09/2025, Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P), ba Asuntu Tékniku, Sr. José Filipe Ximenes Smith, partisipa iha Symposium Saúde Ida, ho tema “Haforsa Kolaborasaun Lokál iha Saúde Ema, Saúde Animál no Ambiente" Timor-Leste nia dalan ba ASEAN liuhosi aproximasaun Saúde Ida. Eventu ne’e realiza iha Sentru Konvensaun Díli (CCD, sigla portugés).
Eventu ne'e, organiza hosi Menzies School of Health Research Timor-Leste no servisu hamutuk ho Governu Timor-Leste nian, iha setór Saúde Ema, Saúde Animál no Ambientál nomos parseiru sira seluk, ho objetivu hodi asegura aproximasaun saúde ida iha Timor-Leste.
Entidade sira ne'ebé partisipa iha eventu ne'e, Vise-Ministru ba Operasionalizasaun Ospitál, ekipa téknika Ministériu Saúde, Ministériu Agrikultura, Pekuária, Peska no Floresta, BTL, E.P rasik, universitáriu sira hosi UNTL, UNPAZ, Cristal, UCT no konvidadu relevantes sira
Share on Social Media:
