Manatuto, 26/07/2024, Vise-Prezidente KE BTL, E.P, ba Asuntu Sistema Bee Saneamentu no Drenajen, Gustavo da Cruz, Partisipa Lansamentu Primeira Pedra ba Projetu reabilitasaun Estrada, Postu Administrativu Soibada.
Projetu reabilitasaun ne’e, lansa direita hosi S.E Ministru Obras Publikss, Samuel Marçal, S.E Vise-Ministru Infraestrutura, Júlio do Carmo, Xefe Gabinete, nu’udar reprezentante SEEAS, Autoridade Munisípiu Manatuto, Veteranu, Lidér Komunitariu no komunidade sira, lansa ofisialmente projetu estrada, ne’ebé hahu hosi Mota Soibada too Soibada Villa.
Iha serimónia lansamentu ne’e, S.E Ministru Obras Públikas, husu ba komunidade no autoridade lokál sira, kolabora no kontribui durante servisu ne’e la’o, nune’e projetu ida ne’e bele finaliza tuir tempu, ne’eb’e governu ho kompañia selebra ona iha kontratu.
“hanesan ita boot sira hatene, rai Soibada ne’e hola parte mos fatin historia ida, tamba iha tempu passado, soibada forma ema barak sai matenek, liu hosi edukasaun, tamba ne’e governu halo ona esforsu too ona faze ida ne’e, husu atu bele kontribui, hodi nune’e labele iha impedimentu, tamba iha fatin seluk, komunidade rasik hatoo ejizensia atu hadi’a estrada, maibé projetu too ba halo fali impedimentu, tamba ne’e espera ema soibada mesak matenek no reza hela de’it, labele akontrese ida ne’e, maibé hatudu ezemplu di’ak ba postu sira seluk iha territóriu nasionál”.
Membru governu ne’e afirma, wainhira projetu reabilitasaun ne’e remata, bele fasilita komunidade sira, bele lori nia produtu lokál ba asesu ,merkadu iha manatuto no Díli.
(Média BTL, E.P).
Share on Social Media:
