Díli, 26/03/2024, Vise-Prezidente Komisaun KE BTL, E.P, Asuntu Sistema Bee Ssneamentu no Drenajen, Gustavo da Cruz, sai Oradór iha diálogu iha Ámbitu Selebrasaun Loron Loron Mundiál Bee ho nia tema “Valoriza Bee, Haburas Dame”, eventu ne’e hala’o iha Tawer Fatuhada.
Iha diálogu ne’e, autoridade lokál no Akadémika sira, levanta kestaun barak, liga ba problema bee moos, ne’ebé komunidade infrenta iha fatin-fatin.
Hatan ba perguntas hirak ne’e, Vise-Prezidente KE BTL, E.P, ba Asuntu Sistema Bee Ssneamentu no Drenajen, esplika, BTL, E.P nia kobrementu servisu iha área Urbana, maibé la taka dalan ba área rural sira.
“Hanesan ita boot sira hatene, BTL, E.P servisu foku liu oinsa bele liberta uluk komunidade husi Postu Administrativu sira, asesu bee, munisípiu sira, maka foin bele hakat ba iha área rural, maibé BTL, E.P mos durante ne’e apoia material no tékniku ba komunidade sira, hanesan hadi’a sistema bomba no melloramentu sistema bee”.
Ezekutivu ne’e husu ba Autoridade lokál, Servisu Munisipal Água Saneamentu no Ambiente no Grupu Maneja Fasilidade hodi bele tau matan ba sistema bee rural iha terrtóriu nasionál, hodi bele garante nafatin nia sustentabilidade ba tempu naruk.
Iha diálogu ne’e, abertura direita husi Vice-Primeiro Ministro, Ministro Coordenadór dos Assuntos Sociais, Ministro do Desenvolvimento Rural e Habitação Comunitária Eng. Mariano ASSANAMI Sabino, akompaña Ministru Obras Públika, Samuel Marçal, Sekretária Estadu Eletrisidade Bee no Saneamentu, Santos Noronha, Sekretária Estadu Igualdade, Elvina de Sousa Carvalho, Prezidente PN-BESI TL, DNRAS, HAK, Autoridade Lokál, mai husi munisípiu oi-oin, Akadémika no partisipante sira seluk.
Share on Social Media:
